చిన్న సినిమా, పెద్ద సినిమా అనేవి ప్రత్యేకించి ఉండవంటోంది ముద్దుగుమ్మ రకుల్‌ ప్రీత్‌ సింగ్‌. సక్సెస్‌ని బట్టే ఆ సినిమా చిన్నదా, పెద్దదా అనేది ఉంటుంది. కానీ బడ్జెట్‌ని బట్టి కాదని కొత్త లెక్క చెబుతోంది స్మైలీ బ్యూటీ రకుల్‌ ప్రీత్‌ సింగ్‌. అలాగే రెమ్యునరేషన్‌ గురించి కూడా అస్సలు ఆలోచించదట రకుల్‌. ఆ విషయం నిర్మాతలే చూసుకుంటారు. వాళ్లకే తెలుసు నాకు ఎంత రెమ్యునరేషన్‌ ఇవ్వాలో. అలాగే ఇక స్టార్‌డమ్‌ అంటారా అది ప్రేక్షకులు చూసుకుంటారు అంటోంది రకుల్‌. 'రారండోయ్‌ వేడుక చూద్దాం' సినిమాతో భ్రమరాంబగా అలరిస్తోంది రకుల్‌ ప్రీత్‌ సింగ్‌. ఈ నేపథ్యంలో స్టార్‌డమ్‌, రెమ్యునరేషన్‌ గురించి రకుల్‌ దగ్గర ప్రస్థావిస్తే, ఇదిగో ఇలా ఘాటుగా స్పందించింది. రెమ్యునరేషన్‌, స్టార్‌డమ్‌ ఇలాంటి ప్రశ్నలు తనకి నచ్చవనీ ఖచ్చితంగా చెప్పేసింది. ఏ విషయాన్ని అయినా కుండ బద్దలుకొట్టినట్లు చెప్పడమే రకుల్‌కి అలవాటు. అంతేకాదు ఆమెకు ప్రతీ విషయం పైనా అవగాహన ఉంటుంది. అవగాహన లేకుండా ఆమె ఏ మాట మాట్లాడదట కూడా. అందులోనూ 'రారండోయ్‌..' సినిమాతో రకుల్‌ మరీ రాటు దేలింది. ఈ సినిమా ప్రమోషన్స్‌లో భాగంగా మీడియా అడిగిన ప్రశ్నలకు ఘాటుగా, సూటిగా సమాధానం చెబుతూనే క్యూట్‌గా ఎట్రాక్ట్‌ చేస్తోంది. ఒక పక్క స్టార్‌ హీరోస్‌తో సినిమాలు చేస్తూనే, మరో పక్క యంగ్‌ హీరోస్‌తోనూ నటించేస్తోంది ఈ ముద్దుగుమ్మ. వామ్మో మళ్లీ అదే..వద్దంటోంది రకుల్‌. స్టార్‌ హీరోలు అని నా దృష్టిలో ఎవ్వరూ ఉండరంటోంది. ప్రేక్షకులకు నచ్చితే ఆ సినిమా చిన్న సినిమా అయినా కానీ ప్రేక్షకుల్ని మెప్పించింది కాబట్టి, స్టార్‌ సినిమా వేల్యూనే దక్కుతుందంటోంది. రకుల్‌ చెప్పింది కదా వినేస్తే పోలా!