సుకుమార్‌ డైరెక్షన్‌లో రామ్‌చరణ్‌ హీరోగా నటిస్తున్న సినిమాకి 'పల్లెటూరి మొనగాడు' అనే టైటిల్‌ అనుకుంటున్నారట. అయితే మెగాస్టార్‌ చిరంజీవి నుంచి కొన్ని ఇంట్రెస్టింగ్‌ పేర్లు కూడా వినవస్తుండటంతో, వాటిని కూడా టీమ్‌ పరిశీలిస్తోందని సమాచారమ్‌. సుకుమార్‌ సినిమాలు డిఫరెంట్‌గా ఉంటాయి. అలాగే టైటిల్‌తోనే సినిమా మీద ఇంట్రెస్ట్‌ క్రియేట్‌ చేస్తాడాయన. ఆయన గత చిత్రాలతో పోలిస్తే, ఈ సినిమా చాలా డిఫరెంట్‌గా ఉండబోతోందట. మామూలుగానే సుకుమార్‌ చిత్రాల శైలి చాలా విభిన్నంగా ఉంటుంది. ఆయన డైరెక్షన్‌ చేసినా, నిర్మాణం చేసినా కూడా ఆ స్టైలే వేరు. అలాంటిది స్టార్టింగ్‌ నుండీ ఎంతో ఇంట్రెస్ట్‌ క్రియేట్‌ చేస్తోంది తాజా చిత్రం. రామ్‌ చరణ్‌ హీరోగా నటిస్తోన్న ఈ చిత్రం అచ్చమైన పల్లెటూరి వాతావరణంతో తెరకెక్కుతోందన్న సంగతి తెలిసిందే. ఇంతవరకూ చరణ్‌ చేసిన చిత్రాల్లో 'ధృవ' సినిమాది ఓ స్పెషల్‌ జోనర్‌ కాగా, మరో స్పెషల్‌ ఈ సినిమాతో చూపించనున్నాడట చరణ్‌. పల్లెటూరి కుర్రోడిలా కనిపిస్తున్న ఓ ఆర్ట్‌ ఫోటో స్టిల్‌కి వచ్చిన రెస్పాన్సే అదిరిపోయేలా ఉంటే, ఇక ఈ సినిమా టీజర్‌, ట్రైలర్స్‌పై ఎంత కాన్‌సన్‌ట్రేషన్‌ చేసి ఉంటాడో సుకుమార్‌. అలాగే ఈ సినిమా కథ, కథనం కూడా చాలా కొత్తగా ఉండబోతున్నాయట. రామ్‌ చరణ్‌కి జోడీగా ఈ సినిమాలో సమంత హీరోయిన్‌గా నటిస్తోంది.