ప్రశాంత్ వర్మ తెరకెక్కించిన 'హనుమాన్' మూవీ బిగ్గెస్ట్ హిట్ అందుకున్న సంగతి తెలిసిందే. ఆ మూవీ సాధించిన విజయంతో ఇప్పుడు సీక్వెల్ గా 'జై హనుమాన్' తెరకెక్కిస్తున్నాడు. ఈ మూవీలో హనుమాన్ గా కాంతారా ఫేమ్ రిషబ్ శెట్టి నటిస్తున్నాడని అఫీషియల్ గా అనౌన్స్ చేసాడు. ఫస్ట్ లుక్ పోస్టర్ తో పాటు ఒక పాట కూడా రిలీజ్ చేసాడు. హనుమంతుడు ప్రధాన పాత్రగా వస్తున్న ఈ కథలో శ్రీరాముడి ప్రస్తావన ఉండి తీరుతుంది. మరి శ్రీరాముడి పాత్రలో ఎవరు నటిస్తారు, లేదా యానిమేషన్ లో చూపిస్తారా ఆ పాత్ర అని సందేహాలు మొదలయ్యాయి. ఈ క్రమంలోనే ఇప్పడు రానా పేరు తెరపైకి వచ్చింది. ప్రశాంత్ వర్మ సినిమాటిక్ యూనివర్స్ లో రానా కూడా చేరుతున్నాడా? అది ఏ సినిమా అని ఆసక్తి పెరిగింది అందరిలో.

రీసెంట్ గా రిషబ్ శెట్టి, రానా, ప్రశాంత్ వర్మ కలిసున్న ఫొటో ఒకటి సోషల్ మీడియాలో హల్చల్ చేస్తోంది. ఈ ఫొటో షేర్ చేసిన ప్రశాంత్ 'జై హనుమాన్' అని రాసి తన సినిమాటిక్ యూనివర్స్ ని ట్యాగ్ చేసాడు. అంటే జై హనుమాన్ లో హనుమంతుడి పాత్రలో రిషబ్ శెట్టి నటిస్తున్నా మరో కీలక పాత్రలో రానా కూడా నటిస్తున్నాడని హింట్ ఇచ్చాడు ప్రశాంత్. హనుమాన్ తరవాత  'జై హనుమాన్' ప్రస్తావన వచ్చినప్పుడు ఈ సినిమాలో హనుమంతుడి క్యారక్టర్ లో రానా, రామ చరణ్, చిరంజీవి పేర్లు వినిపించాయి. ఫైనల్ గా రిషబ్ శెట్టి కన్ఫర్మ్ అయ్యాడు. ఇప్పడు ఇదే సినిమాలో రానా ఏ పాత్రలో నటిస్తున్నాడా అని ఫాన్స్ ఆరా తీస్తున్నారు.

ప్రశాంత్ వర్మ రోజుకొక సర్ప్రయిజ్ ఇస్తున్నాడు. మూవీ అప్డేట్స్, ఫస్ట్ లుక్ పోస్టర్, వర్కింగ్ స్టిల్స్ అంటూ అంచనాలు పెంచేస్తున్నాడు. ఇప్పడు రానా నటిస్తున్నట్టు క్లారిటీ ఇచ్చాడు. ముందు ముందు ఇంకెన్ని సర్ప్రయిజ్ లు ఉంటాయో అని ఫాన్స్ ఎదురుచూస్తున్నారు. ప్రశాంత్ వర్మ మోక్షజ్ఞ తో ఒక సినిమా అనౌన్స్ చేసి, ఇంకో వైపు జై హనుమాన్ తెరెకెక్కిస్తూ, మిగతా ప్రాజెక్ట్స్ పై కూడా దృష్టి పెడుతున్నాడు. ఒకే సారి రెండు మూడు సినిమాలు తెరకెక్కించేలా ప్లాన్ చేస్తున్నాడు. ఇప్పటికి ప్రశాంత్ సినిమాటిక్ యూనివర్స్ లో ఏడు సినిమాలు ప్రకటించాడు. తన యూనివర్స్ లో అన్ని భాషలకి చెందిన స్టార్స్ కి చోటు ఉంటుందని ముందే చెప్పాడు. ఇప్పడు అదే ఫాలో అవుతున్నాడు.