రన్వీర్ సింగ్-సంజయ్ లీలా భన్సాలీల కలయికలో ఇప్పటికే రెండు బ్లాక్ బస్టర్ చిత్రాలు- రామ్ లీలా & బాజీరావు మస్తాని వచ్చాయి. ఇక ముచ్చటగా మూడవసారి వీరి కాంబినేషన్ లో పద్మావతి చిత్రం రాబోతున్నది.
ఈ చిత్రంలో దీపికా పడుకొనే టైటిల్ పాత్ర పోషిస్తుండగా హీరోలు రన్వీర్ సింగ్ & షాహిద్ కపూర్ లు ముఖ్య పాత్రల్లో కనువిందు చేయనున్నారు. ఇప్పటికే దీపిక, షాహిద్ పాత్రల ఫస్ట్ లుక్స్ విడుదల అవ్వగా కొద్దిసేపటి క్రితమే రన్వీర్ సింగ్ చేస్తున్న సుల్తాన్ అల్లావుద్దీన్ ఖిల్జీ పాత్ర మొదటి చిత్రం విడుదల అయింది.
ఈ పాత్రలో రన్వీర్ సింగ్ తన పాత్రలోని క్రూరత్వాన్ని అత్యద్బుతంగా ప్రదర్శించగలిగాడు. ముఖం పైన కత్తి గాటు, భయంగొలిపే కళ్ళు చూడడానికే భయపడే రూపంతో ఆయన ఉన్నాడు.
అదే సమయంలో దర్శకుడు భన్సాలీ తన మార్కు గ్రాండ్ లుక్ ని అల్లావుద్దీన్ కిరీటం రూపంలో మనకి చూపించాడు. ఇక ఈ లుక్ విడుదల అయ్యాక ఈ చిత్రం పైన అంచనాలు మరింతగా పెరిగాయి.
చూద్దాం.. ఈ చిత్రం డిసెంబర్ 1న విడుదల అయి ఎంతటి సంచలనాలు సృష్టించబోతున్నదో!
