ఇటీవలే ధమాకాతో ఓ సూపర్ హిట్ ని తన ఖాతాలో వేసుకొన్నాడు రవితేజ. ఈ విజయంతో రవితేజ కెరీర్కు మరింత బూస్టప్ ఇచ్చింది. ఇదే ఉత్సాహంతో.. `రావణాసుర` సినిమాకీ పూర్తి చేశాడు. సుధీర్ వర్మ కాంబినేషన్లో తెరకెక్కిన సినిమా ఇది. అభిషేక్ నామా నిర్మాత. ఏప్రిల్ 7న రిలీజ్కు రెడీ అయ్యింది. ఈ రోజు ట్రైలర్ విడుదల చేశారు. రెండు నిమిషాల నిడివి గల ట్రైలర్ ఇది. మంచి యాక్షన్ టింజ్తో మొదలైంది. ఆ తరవాత.. రవితేజ మార్క్ కామెడీ, రొమాన్స్ మొదలయ్యాయి. హైపర్ ఆదితో రవితేజ పంచ్లు బాగా వర్కవుట్ అయ్యాయి. ఆ తరవాత. మళ్లీ యాక్షన్ మోడ్ మొదలైంది.
''మర్డర్ చేయడం క్రైమ్ దొరక్కుండా మర్డర్ చేయడం ఆర్ట్ .. ఐ యామ్ ఏన్ ఆర్టిస్ట్ - రెస్పెక్ట్ మై ఆర్ట్ బేబీ..''
''వాడు క్రిమినల్ లాయర్ కాదు.. లా చదివిన క్రిమినల్''
''ఈ భూమ్మీద నన్ను ఆపగలిగిన వాడు ఎవడైనా ఉన్నాడంటే.. అది నేనే..''
లాంటి డైలాగులు ఈ ట్రైలర్ హీట్ అమాంతం పెంచేశాయి. ఈ సినిమాలో రవితేజ క్యారెక్టరైజేషన్ ఎలా ఉంటుందో ట్రైలర్లోనే చెప్పేశారు. రవితేజ స్పీడుకి, టెక్నికల్ అంశాలూ దోహదం చేశాయి. మేకింగ్ హై లెవల్లో ఉంది. జయరామ్, మురశీ శర్మ, సుమంత్.. ఇలా ఆర్టిస్టులు కూడా బాగానే కనిపిస్తున్నారు. ఈ సినిమాలో నలుగురు కథానాయికలున్నారు. వాళ్లకీ ప్రాధాన్యమున్న పాత్రలు దక్కినట్టే అనిపిస్తోంది. మొత్తానికి ట్రైలర్లో హిట్ లక్షణాలు ఉన్నాయి. ఫలితం ఎలా ఉంటుందో చూడాలి.