మాస్ మహరాజ్ రవితేజ తాజా చిత్రం 'టచ్ చేసి చూడు' ఈరోజు ప్రపంచవ్యాప్తంగా విడుదలకానుంది. ఈ సమయంలో రవితేజకి సంబంధించి ఒక ఆసక్తికర విషయం బయటకి వచ్చింది. అదేంటంటే- రవితేజ & రాజమౌళి కలయికలో ఒక చిత్రం త్వరలోనే రాబోతున్నది.

అయితే ఈమధ్యనే ఎన్టీఆర్-రామ్ చరణ్ కలయికలో ఒక చిత్రాన్ని రాజమౌళి దర్శకత్వం వహించనున్నాడు అన్న వార్త వచ్చింది. ఇప్పుడు రవితేజని ఆ చిత్రంలో ఒక ముఖ్యపాత్ర కోసమే రాజమౌళి తీసుకోనున్నట్టు తెలిసింది. ఆ పాత్ర కూడా మాములుది కాదట- ఆ చిత్రంలో రామ్ చరణ్ & ఎన్టీఆర్ కి ఎదురుగా ఉండే ప్రతి నాయకుడి  పాత్ర.

ఈ మధ్యకాలంలో వైవిధ్యమైన పాత్రల్లో కనిపిస్తున్న రవితేజ ఇప్పుడు విలన్ గా అందరికీ షాక్ ఇవ్వనున్నడా అన్నది తెలియాలంటే ఈ చిత్రానికి సంబంధించిన అధికారిక ప్రకటన రావాల్సిందే.

రవితేజ చేత విక్రమార్కుడు చిత్రంలో ద్విపాత్రాభినయం చేయించినా, మర్యాద రామన్న చిత్రంలో వాయిస్ ఓవర్ ఇప్పించినా రాజమౌళి కే చెల్లింది. మరి ఇప్పుడు విలన్ గా మరోసారి రవితేజని తెరపై ఎలా ఆవిష్కరించనున్నాడు అన్నది వేచి చూడాలి.