క్యూట్‌ బ్యూటీ సీరత్‌ కపూర్‌ 'రన్‌ రాజా రన్‌' సినిమాతో తెలుగు ప్రేక్షకుల్ని పలకరించింది. తాజాగా రాజుగారిగది-2 సినిమాలో నటిస్తోంది. నాగార్జునకు జంటగా నటిస్తోంది ఈ సినిమాలో సీరత్‌ కపూర్‌. తాజాగా ఈ బ్యూటీ ఖాతాలో మరో సినిమా చేరింది. అల్లు శిరీష్‌తో ఓ సినిమాకి కమిట్‌ అయ్యింది ఈ ముద్దుగుమ్మ. ఇదే కాదండోయ్‌ ఈ బ్యూటీ ఖాతాలో మరో ప్రాజెక్ట్‌ వచ్చి పడింది. రవితేజ హీరోగా నటిస్తున్న 'టచ్‌ చేసి చూడు' సినిమాలో అమ్మడు ఛాన్స్‌ కొట్టేసింది. ఈ సినిమాలో ఇప్పటికే రాశి ఖన్నా ఓ హీరోయిన్‌గా ఎంపికైంది. మరో హీరోయిన్‌గా సీరత్‌కపూర్‌ పేరుని ఫైనల్‌ చేశారు ఈ సినిమాలో. తొలి సినిమా 'రన్‌ రాజా రన్‌'తో మంచి గుర్తింపు తెచ్చుకుంది ఈ భామ. ఆ తర్వాత వచ్చిన 'టైగర్‌' సినిమా ఆమెను నిరాశపర్చింది. సోషల్‌ మీడియాలో హాట్‌ హాట్‌ ఫొటోలతో టాక్‌ ఆఫ్‌ ది ఇండస్ట్రీ అయ్యింది. బహుశా ఆ హాట్‌ ఫొటోలే ఇప్పుడామెకు ఈ స్థాయిలో అవకాశాలు తెచ్చిపెడుతున్నాయేమో. 'టచ్‌ చేసి చూడు' చిత్రానికి విక్రమ్‌ సిరికొండ దర్శత్వం వహిస్తున్నారు. ఇతనికిదే తొలి చిత్రం కావడం విశేషం. ఈ సినిమాలో సీరత్‌ పాత్ర రొటీన్‌ హీరోయిన్‌ క్యారెక్టర్స్‌కి డిఫరెంట్‌గా ఉంటుందట. అదో డిఫరెంట్‌ క్యారెక్టర్‌ అంటోంది. అలాగే 'రాజుగారి గది 2' గురించి చెబుతూ, ఈ సినిమాలో సీనియర్‌ హీరో నాగార్జున, సమంత నటిస్తున్నారు. వీరితో పాటు ఈ సినిమాలో తాను కూడా నటించడం ఎంతో సంతోషంగా ఉందని సీరత్‌ చెబుతోంది.