రవితేజ క‌థానాయ‌కుడిగా ప్ర‌శాంత్ మాండ‌వ ద‌ర్శ‌క‌త్వంలో ఓ చిత్రం తెర‌కెక్కుతోంది. దివ్యాన్ష కౌశిక్ క‌థానాయిక‌. ర‌వితేజ న‌టించే 68వ సినిమా ఇది. ఈ చిత్రానికి 'రామారావు' అనే టైటిల్‌ను ఖరారు చేశారు. 'ఆన్‌ డ్యూటీ' ట్యాగ్‌లైన్‌. టైటిల్‌ పోస్టర్‌, ఫస్ట్‌లుక్‌ను సోమవారం చిత్ర యూనిట్‌ విడుదల చేసింది. ఇందులో రవితేజ ఎం,ఆర్‌.ఓగా న‌టించ‌బోతున్నాడ‌ని టాక్‌. ప్ర‌స్తుతం హైద‌రాబాద్ లో షూటింగ్ జ‌రుగుతోంది. ఇందుకోసం న‌గ‌ర శివార్ల‌లో ఓ విలేజ్ సెట్ వేశారు.

సుధాక‌ర్‌ చెరుకూరి నిర్మిస్తున్నారు. సీఎస్‌ సంగీతం అందిస్తున్నారు. చిత్తూరుజిల్లా నేప‌థ్యంలో ఈ సినిమా న‌డుస్తుంది. అందుకోసం చిత్తూరు మాండ‌లికాన్ని ర‌వితేజ ప్ర‌త్యేకంగా నేర్చుకుంటున్నాడ‌ట‌. ఈ యేడాది `క్రాక్‌`తో ఓ సూప‌ర్ హిట్టు కొట్టాడు ర‌వితేజ‌. త‌న `ఖిలాడీ` కూడా విడుద‌ల‌కు సిద్ధంగా ఉంది.