రామ్ గోపాల్ వర్మ ఏమి చేసినా సంచలనమే. ఆఖరికి తాను చేస్తాను అంటూ ప్రకటించే చిత్రాలతో సైతం అందరి దృష్టిని తనవైపుకి తిప్పుకోగల నేర్పరి.
ఇక తాజాగా మహానటుడు ఎన్టీఆర్ జీవితం పై తాను ఓ చిత్రాన్ని తెరకెక్కిస్తాను అని ప్రకటించేసి దానికి లక్ష్మీస్ ఎన్టీఆర్ అని ప్రకటించడం సంచలనం రేపింది. అయితే ఈ చిత్రానికి ప్రముఖ నటుడు జేడీ చక్రవర్తి నిర్మాతగా వ్యవహరించనున్నట్టు వార్తలు రావడం సంచలనంగా మారింది.
అయితే ఈ వార్తల్లో ఎటువంటి నిజం లేదని, కేవలం ఒట్టి పుకార్లు మాత్రమే అని తేలిపోయింది. దీనికి సంబంధించి దర్శకుడు ఆర్జీవీ- తాను తీయబోయే లక్ష్మీస్ ఎన్టీఆర్ చిత్రానికి జేడీ చక్రవర్తి నిర్మాత కాదు అంటూ తేల్చేశాడు.
ఇప్పటికే ఈ చిత్రం చుట్టూ అనేక వార్తలు వస్తున్న నేపధ్యంలో ఈ కొత్త పుకారు అందరిలోనూ ఆసక్తిని పెంచింది.
