అసలు ఎవ్వరు ఊహించని విధంగా పెద్ద ఎన్టీఆర్ జీవితం పై తెరకెక్కనున్న బయోపిక్ ని మోస్ట్ కాంట్రావర్సియల్ డైరెక్టర్ అయిన ఆర్జీవీ తీస్తున్నాడన్న వార్త ఇప్పుడు తెలుగు ఫిలిం ఇండస్ట్రీ లో ఓ హాట్ టాపిక్.
ఇక సినిమా మేకింగ్ లో ఎవ్వరి సలహాలు కాని జోక్యం కాని ఇష్టపడని వ్యక్తిగా ఆర్జీవీ కి పేరు ఉంది. అదే సమయంలో బాలకృష్ణ తన తండ్రి పై వస్తున్న సినిమాలో ఏదైనా పొరపాటు జరిగితే సహించడు అనేది నిర్వివాదాంశం.
మరి ఇలాంటి బిన్న ద్రువాల మనస్థత్వాలు కలిగిన ఈ ఇద్దరి ప్రయాణం ఎలా ఉండబోతుందో అనేది ఇప్పుడు అందరిని వేదిస్తున్న ప్రశ్న. ఇప్పటికే ఈ సినిమాకి సంబందించిన ఒక బౌండ్ స్క్రిప్ట్ ని బాలయ్య రెడీ చేశాడు. మరి ఆర్జీవీ.. బాలయ్య తయారుచేసుకున్న కథని తీస్తాడా లేక వేరే కథని తీస్తాడా అనేది తెలియాలి.
అయితే బయోపిక్స్ అలాగే నిజజీవిత పాత్రల పై సినిమాలు తీయడంలో సిద్ధహస్తుడైన ఆర్జీవీ కి నిజంగా ఇది ఒక సవాలే అన్న వ్యాఖ్యలు వినిపిస్తున్నాయి.
