రిస్కులు చేయ‌డంలో రామ్ గోపాల్ వ‌ర్మ ముందే ఉంటాడు. ఎవ‌రూ చేయ‌లేని ప‌ని తాను ఈజీగా చేసేస్తుంటాడు. ఈసారీ అంతే. అక్టోబ‌రు 15 నుంచి థియేట‌ర్లు తెర‌చుకుంటున్నాయి. సినిమా సంద‌డి మ‌ళ్లీ మొద‌లు కాబోతోంది. అయితే.. అక్టోబ‌రు 15నే సినిమాలు విడుద‌ల చేయ‌డానికి నిర్మాత‌లెవ‌రూ సిద్ధంగా లేరు. జ‌నాలు థియేట‌ర్ల‌కు వ‌స్తారో, రారో అని భ‌యం. తీరా సినిమా విడుద‌ల చేశాక‌, జ‌నాలు రాక‌పోతే, క‌ల‌క్ష‌న్లు లేక‌పోతే, తీవ్రంగా న‌ష్ట‌పోవాల్సివ‌స్తుంది. అందుకే ఆచి తూచి అడుగులేద్దామ‌ని ఫిక్స‌య్యారు.

అయితే.. ఆ రిస్కుని తీసుకోవ‌డానికి ముందుకొచ్చాడు వ‌ర్మ‌. లాక్ డౌన్ స‌మ‌యంలో తాను తీసిన `క‌రోనా వైర‌స్‌` రిలీజ్ డేట్ ప్ర‌క‌టించాడు. అక్టోబ‌రు 15నే ఈసినిమా విడుద‌ల చేస్తున్నాన‌ని, లాక్ డౌన్ త‌ర‌వాత విడుద‌ల అవుతున్న తొలి సినిమా ఇదేనంటూ ప్ర‌క‌టించాడు వ‌ర్మ‌. ఈ సినిమా ఈ టైమ్ లో విడుద‌ల చేయ‌డం వెనుక ఓ వెసులు బాటు కూడా ఉంది.

థియేట‌ర్లు ఈజీగా దొరికేస్తాయి. దాంతో పాటు.. సినిమాని థియేట‌ర్ల‌లోనే చూడాలి అని త‌హ‌త‌హ‌లాడేవాళ్ల‌కు వ‌ర్మ సినిమాకి మించిన మ‌రో ఆప్ష‌న్ ఉండ‌దు. పైగా ఇది క‌రోనా పై తీసిన సినిమా కావ‌డంతో, వ‌ర్మ ఏం తీసుంటాడు అని తెలుసుకోవాల‌ని ఉంటుంది. ఆ విధంగా వ‌ర్మ‌కి లాభ‌మే అనుకోవాలి.

Finally theatres are open from October 15 th and happy to announce that CORONAVIRUS will be the FIRST FILM TO RELEASE AFTER LOCKDOWN #CoronaVirusFilm https://t.co/fun1Ed36Sn pic.twitter.com/TgP40Vyy6e

— Ram Gopal Varma (@RGVzoomin) October 1, 2020