గౌతమ్‌ మీనన్‌ దర్శకత్వంలో విక్రమ్‌ హీరోగా ఓ సినిమా తెరకెక్కుతోంది. ఆ సినిమాలో హీరోయిన్‌గా రీతూ వర్మ ఎంపికైంది. ఏంటీ విక్రమ్‌ సినిమా ఏంటీ, రీతూ వర్మ హీరయిన్‌ ఏంటీ అనుకుంటున్నారా? అదేనండీ 'పెళ్లి చూపులు' సినిమాలో హీరోయిన్‌గా నటించింది కదా ఈ ముద్దుగుమ్మ. ఆ సినిమాని తమిళ్‌ స్టార్‌ హీరో విక్రమ్‌ కూడా తిలకించాడట. ఆ సినిమా విక్రమ్‌కి ఎంతో బాగా నచ్చేసిందట. అందులోనూ రీతూ నటనకి ఇంకా టెంప్ట్‌ అయిపోయాడట. దాంతో ఈ ముద్దుగుమ్మకి తన సినిమాలో నటించే గోల్డెన్‌ ఛాన్స్‌ ఇచ్చేశాడు. ఈ సినిమా తెలుగులో కూడా అన్ని వర్గాల వారినీ అలరించింది. ఆ సినిమా వచ్చిన కొత్తల్లో ఎవరి నోట విన్నా ఆ సినిమా ఊసే. తరుణ్‌ భాస్కర్‌ డైరెక్షన్‌లో తెరకెక్కిన ఈ చిత్రం కాన్సెప్ట్‌ అందరకీ చాలా కొత్తగా అనిపించింది. ఈ కొత్త కాన్సెప్ట్‌ని డైరెక్టర్‌ తెరకెక్కించిన విధానం, అందులో నటించిన నటీనటుల నట విశ్వరూపం అన్నీ అలా కుదిరాయి ఆ సినిమాకి. ఆ సినిమాలో హీరోగా నటించిన విజయ్‌ దేవరకొండకు కూడా మంచి గుర్తింపు లభించింది ఈ సినిమాతోనే. ఇక రీతూ వర్మ సంగతి చెప్పనే అక్కర్లేదు. ఇదిగో చూశారుగా ఎంతో మంది స్టార్‌ హీరోయిన్లు ఉండగా, విక్రమ్‌ తనకు జోడీగా రీతూని ఎంచుకున్నాడంటే చిన్న విషయం కాదు. అంతేకాదు ఈ ముద్దుగుమ్మ మరో బిగ్‌ మూవీలో కూడా ఛాన్స్‌ దక్కించుకుందని సమాచారమ్‌. అది కూడా తమిళంలోనేనట. అలాగే తెలుగులో కూడా అమ్మడి పేరు బాగానే మార్మోగిపోతోంది. ఏమో తెలుగులో కూడా బిగ్‌ ప్రాజెక్టులు దక్కించుకున్నా ఆశ్చర్యపోనక్కర్లేదు సుమీ!