రజీనీకాంత్‌ హీరోగా తెరకెక్కుతోన్న 'రోబో 2.0' సినిమా స్టిల్స్‌ రిలీజ్‌ అయ్యాయి. ఈ స్టిల్స్‌ అఫీషియల్‌గా చిత్ర యూనిట్‌ రిలీజ్‌ చేసినవి కావు. కానీ ఎలా బయటికి వచ్చాయో తెలీదు. శంకర్‌ సినిమా నుండి ఏ స్టిల్‌ అంత ఆషామాషాగా బయటికి రావు. అలాంటిది ఇది ఎలా జరిగిందో తెలీదు. కానీ ఈ లీకేజీపై చిత్ర యూనిట్‌ ఆందోళన చెందుతోంది. లేడీ రోబో గెటప్‌లో ఉన్న అమీజాక్సన్‌ ఫోటో ఒకటి, రజనీకాంత్‌ ఫోటో ఒకటి రిలీజ్‌ అయ్యాయి. అయితే ఈ లీకేజ్‌ ఒక్క ఫోటోల వరకేనా లేక వీడియోలు కూడా వచ్చేశాయా అనేది తెలీడం లేదు. దాంతో చిత్ర యూనిట్‌ అలర్ట్‌ అయ్యింది. ఈ సినిమా వచ్చే ఏడాది ప్రేక్షకుల ముందుకు రానుంది. సినిమా షూటింగ్‌ పార్ట్‌ కంప్లీట్‌ అయిపోయింది. గ్రాఫిక్స్‌ వర్క్‌ జరుగుతోంది. 'రోబో' సినిమాకి సీక్వెల్‌గా తెరకెక్కుతోన్న సినిమా ఇది. తొలి పార్ట్‌ని మించి ఈ పార్ట్‌లో విజువల్‌ ఎఫెక్ట్స్‌ ఉండబోతున్నాయట. హీరోయిన్‌గా అమీజాక్సన్‌ నటిస్తోంది. బాలీవుడ్‌ హీరో అక్షయ్‌ కుమార్‌ ఈ సినిమాలో విలన్‌గా నటిస్తున్నాడు. మరో పక్క రజనీకాంత్‌ హీరోగా 'కాలా' సినిమా తెరకెక్కుతోంది. ధనుష్‌ దర్శకత్వంలో తెరకెక్కుతోన్న ఈ సినిమా ప్రస్తుతం శరవేగంగా షూటింగ్‌ జరుపుకుంటోంది. ఈ సినిమాలో హ్యూమా ఖురేషి హీరోయిన్‌గా నటిస్తోంది. 'కబాలి' డైరెక్టర్‌ పా రంజిత్‌ ఈ సినిమాని తెరకెక్కిస్తున్నారు.
