జ‌న‌వ‌రి 7న ఆర్‌.ఆర్‌.ఆర్ విడుద‌ల‌కు రెడీ అవుతున్న సంగ‌తి తెలిసిందే. రాజ‌మౌళి దర్శక‌త్వంలో రూపొందుతున్న భారీ మ‌ల్టీస్టారర్ ఇది. ప్ర‌మోష‌న్లు సైతం.. అత్యంత ఘ‌నంగా చేయాల‌నిచిత్ర‌బృందం భావిస్తోంది. టాలీవుడ్ లో ఈ సినిమాకి ప్ర‌మోషన్లు పెద్ద‌గా చేయ‌కపోయినా ఫ‌ర్వాలేదు. బాలీవుడ్ దృష్టిలో ప‌డాలంటే.. ముంబైలో హోరెత్తించాల్సిందే. రాజ‌మౌళి ప్లాన్ కూడా ఇదే. ఆర్‌.ఆర్‌.ఆర్‌కి సంబంధించిన ప్ర‌ధాన ఈవెంట్ల‌న్నీ.. దాదాపుగా ముంబైలోనే చేయాల‌ని రాజ‌మౌళి ఫిక్స‌య్యాడు.

అందుకోసం స‌ల్మాన్ ఖాన్ ని రంగంలోకి దింపనున్న‌ట్టు టాక్‌. రాజ‌మౌళి ప్ర‌స్తుతం ముంబైలో ఉన్నారు. ఈరోజు ఆయ‌న స‌ల్మాన్ ఖాన్ ని క‌లుసుకున్న‌ట్టు తెలుస్తోంది. ఆర్‌.ఆర్‌.ఆర్ ప్ర‌మోష‌న్ల‌లో భాగంగానే రాజ‌మౌళి స‌ల్మాన్ ని క‌లుసుకున్న‌ట్టు తెలుస్తోంది. ముంబైలో త్వ‌ర‌లోనే ఓ భారీ ఈవెంట్ నిర్వ‌హించి, దానికి ముఖ్య అతిథిగా స‌ల్మాన్ ఖాన్ ని పిల‌వాల‌ని రాజ‌మౌళి ఆలోచ‌న‌. అందుకే సల్మాన్ అప్పాయింట్ మెంట్ తీసుకున్నాడు. రాజ‌మౌళి లాంటి ద‌ర్శ‌కుడు పిలిస్తే స‌ల్మాన్ మాత్రం ఎందుకు వ‌ద్దంటాడు? పైగా.. రామ్ చ‌ర‌ణ్ తో స‌ల్మాన్ కి మంచి అనుబంధం ఉంది. అందుకే.. ఈ ఈవెంట్ ని స‌ల్మాన్ ఖాన్ రావ‌డం ఖాయం. మ‌రి ఈ ఈవెంట్ ఎప్పుడు ఎక్క‌డ నిర్వ‌హిస్తార‌న్న‌ది త్వ‌ర‌లో తేలుతుంది.