మెగాస్టార్‌ చిరంజీవి సురేందర్‌ రెడ్డి కాంబినేషన్‌లో రాబోతున్న సినిమా త్వరలోనే సెట్స్‌ మీదికి వెళ్లనుంది. ఈ సినిమాకి ప్రీ ప్రొడక్షన్‌ కార్యక్రమాలు వేగవంతం అయ్యాయి. రామ్‌ చరణ్‌ నిర్మాణంలో తెరకెక్కబోతోన్న ఈ సినిమాలో ముందుగా హీరోయిన్‌ వేట కొనసాగుతోంది. ఆ లిస్టులో ఇప్పటికే స్వీటీ బ్యూటీ అనుష్క పేరు దాదాపు ఖరారైనట్టే అని టాక్‌ వినిపిస్తోంది. అయితే తాజాగా ఆ లిస్టులో ముద్దుగుమ్మ శృతిహాసన్‌ పేరు వచ్చి చేరింది. శృతిహాసన్‌, పవన్‌ కళ్యాణ్‌ జంటగా తెరకెక్కిన 'గబ్బర్‌ సింగ్‌' సినిమా రికార్డు హిట్‌ సాధించింది. అందుకే మెగాస్టార్‌ సరసన శృతికి కూడా చోటు దక్కనుందనే వార్తలు గట్టిగా వినిపిస్తున్నాయి. మరో పక్క రీ ఎంట్రీలో వచ్చిన తొలి సినిమాకే అనుష్కని హీరోయిన్‌గా తీసుకోవాలిని అనుకున్నారు. అప్పటికి అనుష్క డేట్స్‌ ఖాళీ లేకపోవడంతో చివరి మినిట్‌లో ఆ ప్లేస్‌ కాజల్‌కి దక్కింది. అలాగే ఇప్పుడు మొదటగా అనుష్కనే అనుకున్నారు. అయితే తాజాగా శృతిహాసన్‌ పేరు తెరపైకి వచ్చింది. అయితే ప్రస్తుతం అనుష్క డేట్స్‌ ఖాళీగానే ఉన్నాయి. ఆమె నటించిన 'బాహుబలి ది కన్‌క్లూజన్‌' సినిమా షూటింగ్‌ పూర్తి చేసుకుంది. అలాగే 'నమో వేంకటేశాయ' సినిమా కూడా రిలీజ్‌కి రెడీ అయ్యింది. అనుష్క చేతిలో మరో భారీ ప్రాజెక్టు 'భాగ్‌మతి' ఒక్కటే ఉంది. సో అనుష్క ఈ సినిమాలో నటించడానికి అడ్డంకులేం పెద్దగా లేవనిపిస్తోంది. అయితే ఒకవేళ అనుష్క అటూ ఇటూ అయినా ఆ ప్లేస్‌ శృతికి కన్‌ఫామ్‌ కావడం ఖాయం. శృతిహాసన్‌ ప్రస్తుతం 'కాటమరాయుడు' సినిమాలో పవన్‌తో జతకడుతోంది.
