ప్ర‌స్తుతం `రాధే శ్యామ్‌`తో బిజీగా ఉన్నాడు ప్ర‌భాస్. ఓ వైపు ఆదిపురుష్, మ‌రోవైపు సలార్... సెట్స్‌పైకి వెళ్ల‌డానికి రెడీ అవుతున్నాయి. అయితే.. ఈ రెండింటిలో ముందుగా `సలార్`కే ప‌ట్టాలెక్కించ‌బోతున్నాడు ప్ర‌భాస్. కేజీఎఫ్‌తో క్రేజ్ తెచ్చుకున్న ప్ర‌శాంత్ నీల్ ఈ చిత్రానికి ద‌ర్శ‌క‌త్వం వ‌హిస్తున్న సంగ‌తి తెలిసిందే. 2021 జ‌న‌వ‌రి 18న `సలార్` షూటింగ్ ప్రారంభం కానుంద‌ని స‌మాచారం. హైద‌రాబాద్ లోని రామోజీ ఫిల్మ్ సిటీలో ఈసినిమా కోసం ప్ర‌త్యేక‌మైన సెట్ వేశారు. అక్క‌డే సింహ‌భాగం షూటింగ్ జ‌రుగుతుంద‌ట.
బెంగ‌ళూరులోనూ ఓ కీల‌క‌మైన షెడ్యూల్ ప్లాన్ చేశారు. ప్ర‌భాస్ న‌టిస్తున్న మ‌రో పాన్ ఇండియా సినిమా ఇది. దిశా ప‌టానీని క‌థానాయిక‌గా ఫిక్స్ చేసిన‌ట్టు తెలుస్తోంది. అయితే అధికారికంగా ఎలాంటి ప్ర‌క‌ట‌నా రాలేదు. 2021 మార్చిలో.. `ఆదిపురుష్` షూటింగ్ మొద‌ల‌య్యే అవ‌కాశం ఉంది. ఈలోగా.. `సలార్`కి సంబంధించిన ఓ షెడ్యూల్ పూర్త‌వుతుంది.
