సౌత్ లో స్టార్ హీరోయిన్ గా ఓ వెలుగు వెలుగుతున్న సమంత ఫ్యామిలీ మెన్ వెబ్ సిరీస్ ద్వారా OTT ప్లాట్ ఫామ్ లోకి అడుగుపెట్టింది. ఈ సిరీస్ తో ఇండియా వైడ్ గా అభిమానుల్ని సంపాదించుకుంది. సమంత క్రేజ్ చూసి బాలీవుడ్ లో కూడా ఆఫర్స్ క్యూ కట్టాయి. నెక్స్ట్ సీటాడెల్ వెబ్ సిరీస్ తో మరొకసారి OTT లో సందడి చేయనుంది. తెలుగులో శివనిర్వాణ తెరకెక్కించిన ఖుషి సినిమాలో విజయ దేవర కొండ సరసన నటించింది. మయాసైటీస్ తో ఇబ్బంది పడుతున్న సామ్ సినిమాలకి బ్రేక్ ఇచ్చి ఆరోగ్యం పై శ్రద్ద పెట్టింది. ఇప్పుడు మళ్ళీ తన విరామానికి బ్రేక్ ఇచ్చి సినిమాలకి ఓకే చెప్తోంది.
  

తమిళ్ హీరో దళపతి విజయ్ చివరిగా నటిస్తున్న సినిమాలో సమంత నటిస్తున్నట్టు సమాచారం. ఇంకా తెలుగు, హిందీ సినిమాలపై క్లారిటీ రావాల్సి ఉంది. సినిమాలకి దూరంగా ఉన్నా ఫాన్స్ కి మాత్రం ఎదో ఒక రూపంలో చేరువగా ఉంటోంది. సోషల్ మీడియాలో తన యాక్టివిటీస్ ని ఎప్పటి కప్పుడు షేర్ చేస్తోంది సామ్. రీసెంట్ గా సమంత ఒక కాలేజీ ఈవెంట్ లో పాల్గొంది. ఈ కార్యక్రమంలో స్టూడెంట్స్ తో ఇంటరాక్ట్ అవుతూ వారు అడిగిన ప్రశ్నలకు సమాధానాలు చెప్పారు.

ఈ క్రమంలోనే ఒక విద్యార్థి యాక్టింగ్ లో మీ రోల్ మోడల్ ఎవరు అన్న ప్రశ్నకి సామ్ సమాధానం చెబుతూ 'నాకు యాక్టింగ్ లో రోల్ మోడల్ అల్లు అర్జున్ అని రిప్లై ఇచ్చింది. అంతే కాదు తనతో ఇంకో  సినిమాలో నటించాలని ఉందని, తను ఇప్పుడు ఓ యాక్టింగ్ బీస్ట్ గా ట్రాన్స్‌ఫార్మ్ అయ్యారు అంటూ సమంత తన మనసులో మాట బయట పెట్టింది. సామ్ బన్నీ కలిసి నటించిన సన్ ఆఫ్ సత్య మూర్తి ఘన విజయాన్ని సాధించింది. వీరి జోడికి మంచి మార్కులు పడ్డాయి. నెక్స్ట్ పుష్ప లో బన్నీతో కలిసి సామ్ చేసిన ఊ అంటావా మావ, ఊహు అంటావా వరల్డ్ వైడ్ క్రేజ్ తెచ్చుకుంది. మళ్ళీ ఈ జోడి కలిసి నటించాలని ఫాన్స్ కూడా భావిస్తున్నారు. సామ్  బన్నీని ప్రశంసించిన తీరుకి ఫాన్స్ ఫిదా అయ్యారు. బన్నీ గూర్చి సామ్  చేసిన ఈ కామెంట్స్ ని సోషల్ మీడియాలో తెగ వైరల్ చేస్తున్నారు.