పాన్ ఇండియా హీరోయిన్ సమంత ప్రస్తుతం హానీ బనీ వెబ్ సిరీస్ తో ఆడియన్స్ ముందుకు వచ్చింది. ఈ సిరీస్ లో సామ్, వరుణ్ ధావన్ ప్రధాన పాత్రల్లో నటించారు. ఈ సిరీస్ లో సామ్ ఫుల్ యాక్షన్ సీన్స్ చేసి అదరగొట్టినట్లు తెలుస్తోంది. సౌత్ నుంచి బాలీవుడ్ కి షిఫ్ట్ అయిన సామ్ అక్కడ అవకాశాల కోసం ట్రై చేస్తోంది. ఇంకో రెండు వెబ్ సిరీస్ ల్లో నటించటమే కాకుండా, నిర్మాణంలో కూడా బాగస్వామ్యం వహిస్తోంది. ఇవన్నీ పక్కన పెడితే సామ్ ప్రస్తుతం తీసుకున్న నిర్ణయం ఆమె ఫాన్స్ ని కలవర పెడుతోంది.

సిటాడెల్‌ ప్రమోషన్స్ లో భాగంగా వీడియో చాట్ చేస్తున్న సామ్ ని ఒక నెటిజన్‌ 'మీరు గతంలోలా కమర్షియల్‌ సినిమాలు చేయటం లేదు ఎందుకు అని అడిగాడు. దీనికి సామ్ స్పందిస్తూ ఇకపై తాను అలాంటి సినిమాలు చేయను అని రిప్లై ఇచ్చింది. రెగ్యులర్‌ కథలు,  కమర్షియల్‌ సినిమాలు, హీరో వెంట పడే పాత్రలు, ఓ రెండు సీన్స్, మూడు పాటలు ఉన్న సినిమాలు చేయనని, నటిగా సంతృప్తి ఇచ్చే పాత్రలే చేస్తానని, నాకు ఆ పాత్ర చాలింజింగ్ గా ఉండాలని పేర్కొంది.

అందుకే వచ్చిన ప్రతి కథ ఒప్పుకోవటం లేదని, తనకి నచ్చిన పాత్ర కోసం చూస్తున్నా అని తెలిపింది. అంటే సామ్ ఇక నుంచి ఎక్కువగా లేడీ ఓరియంటెడ్‌ సినిమాలు చేస్తుందని తెలుస్తోంది. ఇంచు మించు నయనతార రూట్లో వెళ్తోంది. కానీ నయన తార అప్పుడప్పుడు కమర్షియల్ సినిమాల్లో కూడా నటిస్తోంది. కానీ సామ్ వాటికీ నో చెప్పేసింది.  ఐటెం సాంగ్స్ కూడా చేయను అని తెగేసి చెప్పేసింది. సామ్ నిర్ణయం మంచిదే కానీ ఇలా గిరి గీసుకుని కూర్చుంటే ఛాన్స్ లు తగ్గిపోతాయని, స్టార్ హీరోల సినిమాల్లో నటించకుండా పోతుంది అని ఆమె ఫాన్స్ వాపోతున్నారు.