స‌మంత ప్లానింగులు మామూలుగా లేవిప్పుడు. టాలీవుడ్ దాటి హాలీవుడ్ లో ప్ర‌త్య‌క్ష‌మైపోయింది. స‌మంత హాలీవుడ్‌లో ఓసినిమా చేస్తున్న సంగ‌తి తెలిసిందే. ఈ సినిమాకి సంబంధించిన అధికారిక ప్ర‌క‌ట‌న ఇటీవ‌లే వ‌చ్చింది. ఇప్పుడు బాలీవుడ్ లోనూ వ‌రుస‌గా సినిమాలు చేయాల‌ని ఫిక్స‌య్యింది. అందులో భాగంగా య‌శ్ రాజ్ ఫిలిమ్స్‌తో మూడు సినిమాల ఒప్పందం కుదుర్చుకున్న‌ట్టు తెలుస్తోంది. య‌శ్ రాజ్ తెరకెక్కించే మూడు సినిమాల్లో వ‌రుస‌గా న‌టించ‌డం అంటే మాట‌లు కాదు. అందుకోసం భారీ పారితోషికాన్ని కూడా అందుకుంటుంది.
య‌శ్ రాజ్ సంస్థ స్టైల్ వేరు. హీరోయిన్ న‌చ్చితే,... వ‌రుస‌గా కొన్ని సినిమాలు చేయించుకోవ‌డానికి సంత‌కాలు తీసుకుంటుంది. య‌శ్ లో ప‌నిచేస్తే హీరోయిన్ల‌కు ఓ ప్ర‌త్యేక‌మైన క్రేజ్ వ‌స్తుంది. అందుకే హీరోయిన్లు ఎగ‌బ‌డ‌తారు. ఇప్పుడువాళ్ల దృష్టి స‌మంతపై ప‌డింది.య‌శ్ రాజ్ లో స‌మంత మూడు సినిమాలు చేయ‌డం ఆనంద‌మే. కాక‌పోతే... టాలీవుడ్ కి రెండేళ్ల పాటు ట‌చ్‌లో లేకుండా పోతుంది. ఈ మూడు సినిమాల్లో ఒక‌టి హిట్ట‌యినా - బాలీవుడ్ నుంచి స‌మంత‌కు మరిన్ని ఆఫ‌ర్లు రావ‌డం ఖాయం. మ‌రి... బాలీవుడ్ రుచి మ‌రిగాక.. టాలీవుడ్ లో స‌మంత కంటికి క‌నిపిస్తుందో లేదో?
