యువ హీరోలంతా మంచి స్పీడుమీదున్నారు. వ‌రుస‌గా సినిమాల‌పై సినిమాలు చేసేస్తున్నారు. సంతోష్ శోభ‌న్ కూడా ఏం తీసిపోలేదు. త‌న చేతిలో ఏకంగా ఆరు సినిమాలున్నాయి. తను - నేనుతో తెర‌పైకొచ్చాడు సంతోష్ శోభ‌న్‌. పేప‌ర్ బోయ్ ఫ్లాప‌య్యింది. అయితే ఏక్ మినీ క‌థ‌తో.. అంద‌రి దృష్టీ త‌న‌పై ప‌డింది. ఆ త‌ర‌వాత మారుతితో మంచి రోజులు వ‌చ్చాయి చేశాడు. ప్ర‌స్తుతం నందినిరెడ్డి ద‌ర్శ‌క‌త్వంలో ఓ సినిమా చేస్తున్నాడు. ఇప్పుడు మ‌రో ఆఫ‌ర్ వ‌చ్చింది.

మేర్ల‌పాక గాంధీ ద‌ర్శక‌త్వంలో యూవీ క్రియేష‌న్స్ ఓ చిన్న సినిమా చేయ‌బోతోంది. ఇందులో హీరోగా.. సంతోష్ శోభ‌న్‌ని ఎంచుకున్నారు. జాతి ర‌త్నాలు ఫేమ్ ఫ‌రియా అద్భుల్లా క‌థానాయిక‌గా న‌టించ‌బోతోంది. ఇది ఓటీటీ కోస‌మా? థియేట‌రిక‌ల్ రిలీజ్ కోస‌మా? అనేది చూడాలి. సంతోష్ శోభ‌న్ చేసిన ఏక్ మినీ క‌థ‌కు.. స్క్రిప్టు అందించారు మేర్ల‌పాక గాంధీ. ఇటీవ‌ల విడుద‌లై. `మాస్ట్రో`కీ ఆయ‌నే ద‌ర్శ‌కుడు. ఈ రెండు సినిమాలూ ఓటీటీలోనే విడుద‌ల‌య్యాయి. సో. ఈ సినిమా కూడా ఓటీటీకే వెళ్లే ఛాన్సుంది.