నందమూరి బాలకృష్ణ, బోయపాటి శ్రీను కాంబినేషన్‌లో తెరకెక్కుతోన్న సినిమా కోసం ‘అఖిల్‌’ ఫేం సయ్యేషా సెహగల్‌ని ఎంపిక చేసిన విషయం విదితమే. ఈ సినిమాలో ఏ పాత్ర కోసం ఆమెని తీసుకున్నారు.? అన్నదానిపై భిన్న వాదనలు వినిపిస్తున్నాయి. కాగా, ‘బాలయ్య - బోయపాటి’ కాంబోలో వస్తున్న సినిమాలో తన పాత్ర చాలా స్పెషల్‌ అంటోంది సయ్యేషా. అదేంటో తెరపైనే చూడాలని చెబుతోంది. ‘ఆ పాత్రకి నేను ఓకే చెప్పడంపై రకరకాలుగా మాట్లాడుతున్నారు.
నాకు తెలుసు, నేను ఏం చేస్తున్నానో. నేను ఏ సినిమా ఒప్పుకున్నా, అందులో కథకి ప్రాధాన్యతనిస్తాను..’ అని సయ్యేషా చెబుతోందట. మరోపక్క, ఈ సినిమా కోసం సయ్యేషాకి రికార్డు స్థాయిలో రెమ్యునరేషన్‌ ఇస్తున్నారనీ, ఆమె కెరీర్‌లో ఇదే హయ్యస్ట్‌ రెమ్యనరేషన్‌ అనీ ప్రచారం జరుగుతోంది. చాలామంది హీరోయిన్ల పేర్లను పరిశీలించి, ఓ హీరోయిన్‌ని ఖరారు చేసి, చివరి నిమిషంలో ఆమెను తప్పించి, సయ్యేషాని సెలక్ట్‌ చేయడంతో నిర్మాతలపై ‘ఆర్థిక భారం’ కాస్త ఎక్కువే అయ్యిందన్నది ఇన్‌సైడ్‌ సోర్సెస్‌ కథనం.
కాగా, సయ్యేషా బెస్ట్‌ ఛాయిస్‌ అనీ, ఆమె యాక్టింగ్‌ స్కిల్స్‌ ఈ సినిమాకి తప్పకుండా ప్లస్‌ అవుతాయని అంటున్నారు. ఏమో, ఆమె ఈ సినిమాలో ఏం రోల్‌ చేస్తోందోగానీ, తెలుగులో ఆమెకు నిజంగానే ఇది చాలా పెద్ద ఆపర్చ్యూనిటీ. తొలి సినిమా ‘అఖిల్‌’తో ఫ్లాప్‌ చవిచూసిన ఈ బ్యూటీ, బాలయ్యతో బంపర్‌ హిట్‌ కొట్టాలనే కసితో వుంది.
