బాలీవుడ్ కింగ్ ఖాన్ షారుఖ్ ఖాన్ కి మరో అంతర్జాతీయ పురస్కారం లభించింది. ఇప్పటికే ప్రపంచవ్యాప్తంగా కోట్లమంది అభిమానులతో పాటు పదుల సంఖ్యలో భారీ పురస్కారాల్ని సొంతం చేసుకున్న ఈ బాలీవుడ్ బాద్షాకి దావోస్ వేదిక జరుగుతున్న వరల్డ్ ఎకనమిక్ ఫోరంలో (ప్రపంచ ఆర్ధిక సదస్సు)లో గొప్ప సత్కారం లభించింది.
అదేమనగా- మహిళల, చిన్నారుల హక్కుల కోసం కృషి చేస్తున్న వారికి ఇచ్చే ‘క్రిస్టల్’ పురస్కారాన్ని షారుక్ ఖాన్ కి అందచేశారు. ఇదే సమయంలో ఈ పురస్కారం అందుకున్న షారుఖ్ ఖాన్ ప్రసంగిస్తూ- ఈ పురస్కారం అందుకోవడం చాలా ఆనందాన్ని ఇస్తున్నది అదే సమయంలో మహిళల, చిన్నారుల హక్కుల కోసం తనవంతు మరింత ప్రయత్నం చేస్తాను అని చెప్పాడు.
ఇక ఈ అవార్డు అందుకోవడం పట్ల దావోస్ సదస్సులో పాల్గొంటున్న భారతదేశ ప్రముఖులు అలాగే ఆయన అభిమానులు షారుఖ్ ఖాన్ కి అభినందనలు తెలియచేశారు. ఈయనతో పాటుగా హాలీవుడ్ కి చెందిన మరో ఇద్దరు ప్రముఖులు కూడా ఈ క్రిస్టల్ పురస్కారాన్ని అందుకున్న వారిలో ఉన్నారు.
ప్రస్తతం షారుఖ్ ఖాన్ ‘జీరో’ అనే చిత్రంలో ఒక వైవిధ్యమైన పాత్రలో ప్రేక్షకులకి కనువిందుచేయనున్నాడు.
