'అర్జున్‌ రెడ్డి' సినిమాతో తెలుగు ప్రేక్షకులకు పరిచయమైన ముద్దుగుమ్మ షాలినీ పాండేకు నార్త్‌ నుండి పిలుపొచ్చింది. బాలీవుడ్‌లో రణ్‌వీర్‌ సింగ్‌ హీరోగా తెరకెక్కుతోన్న చిత్రంలో షాలినీ పాండే హీరోయిన్‌గా ఎంపికైంది. యష్‌ రాజ్‌ ఫిలింస్‌ బ్యానర్‌లో ఈ సినిమా రూపొందుతోంది. డెబ్యూ సినిమాకే ఇంత మంచి బ్యానర్‌, స్టార్‌ హీరో రణ్‌వీర్‌తో నటించే ఛాన్స్‌ దక్కించుకోవడం ఆషామాషీ కాదు. ఇటీవల ఈ సినిమాలో రణ్‌వీర్‌ ఫస్ట్‌లుక్‌ రిలీజ్‌ చేశారు. ఆ లుక్‌ మంచి రెస్పాన్స్ అందుకుంది. తాజాగా హీరోయిన్‌ షాలినీ పాండే పేరును అఫీషియల్‌గా అనౌన్స్‌ చేసింది చిత్ర యూనిట్‌.
ప్రస్తుతం షాలినీ పాండే తెలుగు, తమిళ చిత్రాలతో బిజీగా గడుపుతోంది. తెలుగులో 'ఇద్దరి లోకం ఒకటే' లో యంగ్‌ హీరో రాజ్‌తరుణ్‌తో ఆన్‌ స్క్రీన్‌ రొమాన్స్‌ చేస్తోంది. క్రిస్మస్‌ సందర్భంగా డిశంబర్‌ 25న ఈ సినిమా ప్రేక్షకుల ముందుకు రానుంది. మరోవైపు అనుష్క ప్రధాన పాత్రలో తెరకెక్కుతోన్న 'నిశ్శబ్ధం' చిత్రంలో షాలినీ పాండే కీలక పాత్ర పోషిస్తోంది. ఇక తాజా బాలీవుడ్‌ ఆఫర్‌తో అమ్మడు నేల మీద నిలబడడం లేదట. అంతేగా.. బాలీవుడ్‌లో ఓ వెలుగు వెలిగిపోవాలని ఎవరికి మాత్రం ఉండదు చెప్పండి. కొందరికి ఎంత ప్రయత్నించినా రాని అరుదైన అవకాశం, కెరీర్‌ తొలినాళ్లలోనే షాలినీ పాండేని కోరి ఇలా వరిస్తే, పండగేగా.!
