నేను శైల‌జ‌, చిత్ర‌ల‌హ‌రి సినిమాల‌తో మంచి విజ‌యాలు అందుకున్నాడు కిషోర్ తిరుమ‌ల‌. ఇప్పుడు `రెడ్‌` సినిమాతో బిజీగా ఉన్నాడు. త్వ‌ర‌లోనే శ‌ర్వానంద్ తో ఓ సినిమా చేయ‌బోతున్నాడు కిషోర్‌. అయితే... ఈ క‌థ వెంకీ కోసం రాసుకున్న‌ద‌ట‌. `నేను శైల‌జ‌` త‌ర‌వాత వెంకీ తో సినిమా చేసే ఆఫ‌ర్ వ‌చ్చింది కిషోర్ తిరుమ‌ల‌కు. `ఆడాళ్లూ మీకు జోహార్లూ` అనే టైటిల్ తో ఓ స్క్రిప్టు సిద్ధం చేసుకున్నాడు. అయితే.. కొన్ని కార‌ణాల వ‌ల్ల ఆ ప్రాజెక్టు ప‌క్క‌న పెట్టాల్సివ‌చ్చింది.

ఇప్పుడు ఆ క‌థ‌నే కొంచెం అటూ ఇటూ మార్చి శ‌ర్వాతో తీస్తున్నాడ‌ట కిషోర్ తిరుమ‌ల‌. అయితే... ఆ టైటిల్ మాత్రం మారుస్తార‌ని టాక్‌. అప్ప‌ట్లో వెంకీ కి సెకండాఫ్ న‌చ్చ‌లేద‌ని, కొన్ని మార్పులు సూచించాడ‌ని, అయితే ఆ మార్పులు చేయ‌డం కిషోర్‌కి ఇష్టం లేద‌ని, అందుకే ఆ ప్రాజెక్టు అప్ప‌ట్లో ఆగిపోయింద‌ని చెప్పుకున్నారు. ఇప్ప‌టికైనా సెకండాఫ్ మార్చాడా? లేదా? అనేది ఆస‌క్తిక‌రంగా మారింది. మొత్తానికి వెంకీ వ‌దిలేసిన క‌థ ఇప్పుడు శ‌ర్వా ద‌గ్గ‌ర‌కు వ‌చ్చింది. వెంకీ అంటే.. వెట‌ర‌న్ హీరో. ఆయ‌న కు రాసుకున్న క‌థ శ‌ర్వా లాంటి యూత్ హీరోకి ఎలా సెట్ చేస్తున్నాడో మ‌రి.