బిగ్ బాస్ 4 త్వరలోనే ప్రారంభం కానుంది, ఆగ‌స్టు మొదటి వారంలో ప్ర‌మోష‌న్లు మొద‌లెట్టి, చివరి వారంలో షోని ప్రారంభించే అవ‌కాశాలున్న‌ట్టు టాక్‌. బిగ్ బాస్ లో ఎవ‌రెవ‌రు క‌నిపిస్తారు అనే విష‌యంపై భారీ ఊహాగానాలు వినిపిస్తున్నాయి. చాలామంది పేర్లు వార్త‌ల్లోకొచ్చాయి.
గ్లామ‌ర్ భామ శ్రద్ధా దాస్‌ ఎంట్రీ దాదాపు ఖాయ‌మ‌న్న వార్తలు గ‌ట్టిగా వినిపించాయి. దీనిపై ఎట్ట‌కేలకు శ్ర‌ద్ధాదాస్ స్పందించింది. బిగ్ బాస్ కోసం తనను ఎవరు సంప్రదించలేదని.. తాను అందులో పాల్గొనడం లేదని స్పష్టం చేశారు. ఈ విష‌య‌మై త‌న‌కు చాలా మెసేజ్‌లు వచ్చాయ‌ని, కానీ అందులో నిజం లేదని క్లారిటీ ఇచ్చారు. వాస్తవాలు తెలుసుకుని వార్తలు రాయాలని, త‌ప్పుడు వార్తల రాసేవారికి ఇదే తన మొదటి, చివరి హెచ్చరిక అంటూ గ‌ట్టి వార్నింగ్ ఇచ్చారు.
ఇటువంటి వార్తలు ప్రచారం చేసేవారిపై చట్టపరమైన చర్యలు తీసుకుంటానని హెచ్చరించారు. సో.. ఈ షోలో.. శ్ర‌ద్ధాదాస్ లేన‌ట్టే. మరి మిగిలిన వాళ్ల‌లో ఎవ‌రి పేర్లు ఖాయ‌మో, ఎవ‌రివి పుకార్లో తెలియాలంటే ఇంకొన్ని రోజులు ఆగాలి.
