శింబుతో జోడీ కట్టనున్న శృతి.

By Inkmantra - August 14, 2020 - 10:00 AM IST

మరిన్ని వార్తలు

శృతి హాసన్ కొంత కాలం గ్యాప్ తర్వాత మాస్ మహారాజా రవితేజ హీరోగా తెరకెక్కుతున్న 'క్రాక్' సినిమాతో తెలుగు ప్రేక్షకులను పలకరించబోతోంది. ఇదిలా ఉంటే శృతి ఈ మధ్య ఓ కొత్త తమిళ సినిమాకు కూడా సంతకం చేసిందట. తమిళ హీరో శింబు హీరోగా నటిస్తున్న ఓ సినిమాలో హీరోయిన్ పాత్రకు శృతి ఓకే చెప్పిందని సమాచారం. యాక్షన్ హీరో విశాల్ తో 'డిటెక్టివ్' అనే విజయవంతమైన చిత్రాన్ని రూపొందించిన దర్శకుడు మిస్కిన్ ఈ చిత్రానికి దర్శకత్వం వహిస్తాడు.

 

యాక్షన్ ఎంటర్ టైనర్ గా రూపొందనున్న ఈ సినిమాకు ప్రస్తుతం ప్రీ ప్రొడక్షన్ వర్క్ జోరుగా సాగుతోందట. ఈ సినిమాలో హీరోయిన్ పాత్రకు కూడా ఎంతో ప్రాధాన్యం ఉందని, అందుకే శ్రుతి హాసన్ లాంటి హీరోయిన్ అయితే కరెక్ట్ గా సెట్ అవుతుందని నిర్మాతలు భావిస్తున్నారట. స్టోరీ నచ్చడంతో శృతి హాసన్ ఈ సినిమాలో నటించేందుకు వెంటనే గ్రీన్ సిగ్నల్ ఇచ్చిందట. ఈ సినిమానే కాకుండా పవర్ స్టార్ పవన్ కళ్యాణ్ 'వకీల్ సాబ్' సినిమాలో కూడా శృతి ఒక కీలక పాత్రలో నటిస్తోంది. తమిళంలో విజయ్ సేతుపతి హీరోగా తెరకెక్కుతున్న 'లాబం' అనే సినిమాలో కూడా హీరోయిన్ గా నటిస్తోంది.


JOIN THE iqlik movies CONVERSATION

To fine out more about Facebook commenting please read the Conversation Guidelines and FAQS