లెజెండరీ డైరెక్టర్ సింగీతం శ్రీనివాస రావు తాజాగా ప్రముఖ డైరెక్టర్ క్రిష్ కి ఒక బహిరంగ లేఖ రాశారు.
అయితే ఈ లేఖ రాయడానికి ముఖ్య కారణం, యువకళావాహిని వారు ఏటా ప్రకటించే కేవీ రెడ్డి అవార్డుని ఈ సంవత్సరానికి గాను క్రిష్ అందుకున్నారు. ఈ సందర్భంగా క్రిష్ ని అభినందిస్తూ అలానే అతనలో ఒక డైరెక్టర్ కి ఉండాల్సిన మూడు గుణాలు- స్పష్టత, బాధ్యత, పవిత్రత పుష్కలంగా ఉన్నాయి అని కొనియాడారు.
ఈ లేఖకు క్రిష్ స్పందిస్తూ- ఈ లేఖను జీవితాంతం తనకు గుర్తుండిపోయే ఒక తీపి గుర్తుగా అభివర్ణించారు. ఈ అవార్డు ప్రధానోత్సవానికి మాజీ గవర్నర్ రోశయ్య గారు, ప్రముఖ రచయత సిరివెన్నెల సీతారామశాస్త్రి గారు, మాటల రచయత సాయి మాధవ్ బుర్రా తో పాటు తమ్మారెడ్డి భరద్వాజ్ కూడా హాజరయ్యారు.
