'స్పైడర్‌' సినిమాలో ఎస్‌.జె.సూర్య విలన్‌గా నటించిన సంగతి తెలిసిందే. మురుగదాస్‌ ఈ చిత్రాన్ని తెరకెక్కిస్తున్నారు. ఎస్‌.జె. సూర్య మంచి నటుడు, దర్శకుడు. హీరోగానూ పలు చిత్రాల్లో నటించాడు. మురుగదాస్‌ కథ చెప్పగానే వెంటనే ఓకే అనేశాడట సూర్య. అంటే ఆ క్యారెక్టర్‌ అంత బాగా నచ్చేసింది సూర్యకి. అంతేకాదు నచ్చడంతో పాటు సూర్య ఆ క్యారెక్టర్‌ గురించి వినగానే ఫస్ట్‌ ఆశ్చర్యానికి లోనయ్యాడట. అంటే ఆ క్యారెక్టర్‌ని ఎంత బాగా డిజైన్‌ చేశాడో, ఆ క్యారెక్టర్‌ ఎంత స్ట్రాంగో అర్ధం చేసుకోవచ్చు. ఒక దర్శకుడయ్యుండి ఎస్‌.జె.సూర్య ఆ పాత్ర గురించి వినగానే ఆశ్చర్యపోయానన్నాడంటే ఆ క్యారెక్టర్‌ ఎంత పవర్‌ ఫుల్‌ క్యారెక్టరో కదా. విలన్‌ పాత్ర ఎంత స్ట్రాంగ్‌ ఉంటే, హీరో పాత్ర అంత బాగా రక్తి కడుతుంది. విలన్‌ పాత్ర గురించి సూర్య ఇంతలా చెబుతున్నాడంటేనే సినిమాపై అంచనాలు ఏ రేంజ్‌లో ఉన్నాయో అర్ధమవుతోంది. ఇదిలా ఉండగా, ఎస్‌.జె.సూర్య ఆ పాత్రకి తన నటనతో ఎంత బాగా ఆకట్టుకుని ఉంటాడో. సూర్యతో పాటు యంగ్‌ హీరో భరత్‌ కూడా మరో విలన్‌గా నటిస్తున్నాడు ఈ సినిమాలో. మహేష్‌బాబు 'స్పై' కాప్‌గా నటిస్తున్నాడు. ప్రీ రిలీజ్‌ టాక్‌కి వస్తోన్న రెస్పాన్స్‌ని బట్టి చూస్తే పెద్ద హిట్‌ ఈ సినిమా సొంతమనే అనిపిస్తోంది. రకుల్‌ ప్రీత్‌ సింగ్‌ హీరోయిన్‌గా నటిస్తోంది. ఈ నెల 27న 'స్పైడర్‌' ప్రేక్షకుల ముందుకు రానుంది.
