టాలీవుడ్‌లో ప్రస్తుతం హీరోయిన్ల కొరత ఉన్న సంగతి తెలిసిందే. ముఖ్యంగా స్టార్‌ హీరోల సరసన జోడీ కట్టే ముద్దుగుమ్మలే కరువయ్యారు. యంగ్‌ హీరోలు ఎలాగో నెట్టుకొచ్చేస్తున్నారు కానీ, స్టార్‌ హీరోల సినిమాలకి హీరోయిన్స్‌ విషయంలో చాలా కష్టపడాల్సి వస్తోంది. అందులోనూ, టాలీవుడ్‌లో స్టార్‌ హీరోలు ఫుల్‌ జోష్‌ మీదున్నారు. పోటా పోటీగా సినిమాలు చేసేస్తున్నారు. మెగాస్టార్‌ చిరంజీవి కూడా సుదీర్ఘ విరామం తర్వాత ఈ మధ్యే సినిమాల్లోకి రీ ఎంట్రీ ఇచ్చారు. రావడం రావడమే వరుస పెట్టి సినిమాలు లైన్‌లో పెట్టి ఉంచారు. అయితే ఆ సినిమాల్లో హీరోయిన్స్‌ కోసమే వేట కష్టమైంది. ఈ తరుణంలో బాలీవుడ్‌ బ్యూటీ సోనాక్షి సిన్హా సౌత్‌ మీద దృష్టి సారించినట్లుగా తెలిసింది. తమిళ్‌ హీరో విజయ్‌తో ఈ ముద్దుగుమ్మ ఓ సినిమా చేయడానికి ఒప్పుకుంది. మురుగదాస్‌ డైరెక్షన్‌లో ఈ సినిమా తెరక్కెనుంది. గతంలో రజనీకాంత్‌తో 'లింగా' సినిమాలో నటించింది ఈ ముద్దుగుమ్మ. ఇక నెక్స్ట్‌ అమ్మడి చూపు టాలీవుడ్‌ మీదే అంటున్నారు సినీ నిపుణులు. ముద్దుగా ఉంటుంది. కొంచెం బొద్దుగా ఉంటుంది కూడా. సో స్టార్‌ హీరోలకు జోడీగా బాగా సూటవుతుంది. అందుకే ఈ ముద్దుగుమ్మని తెలుగులోకి ఆహ్వాంనించేందుకు రెడీగా ఉన్నారు మన టాలీవుడ్‌ దర్శక, నిర్మాతలు. ఈ ముద్దుగుమ్మ ఒప్పుకోవాలే కానీ, స్టార్‌ హీరోలతో జోడీ కట్టే అవకాశాలు వరదలా తన్నుకొచ్చేస్తాయి. వరుసగా చిరంజీవి, బాలకృష్ణ, నాగార్జున, వెంకటేష్‌ సినిమాల్లో సోనాక్షి హీరోయిన్‌గా సెటిలై పోవచ్చు. చూద్దాం అమ్మడు టాలీవుడ్‌కి గ్రీన్‌ సిగ్నల్‌ ఇస్తుందో లేదో!
