న‌టుడిగా వంద సినిమాలు చేసేశాడు శ్రీ‌కాంత్. విల‌న్ గా త‌న కెరీర్ మొద‌లెట్టి, హీరోగా సూప‌ర్ హిట్లు ఇచ్చాడు. అయితే ఇప్పుడు శ్రీ‌కాంత్ కెరీర్ ... ముగింపు ద‌శ‌కు వ‌చ్చేసింది. హీరోగా ఛాన్సుల్లేవు. రూటు మారిస్తే త‌ప్ప లాభం లేద‌నుకున్న ద‌శ‌లో.. అఖండ ఆఫ‌ర్ వ‌చ్చింది. బాల‌కృష్ణ సినిమాలో విల‌న్ గా అంటే మాట‌లు కాదు. పైగా బోయ‌పాటి శ్రీ‌ను కాంబినేష‌న్‌. వీరిద్దరి కాంబోలో వ‌చ్చిన లెజెండ్ - జ‌గ‌ప‌తి బాబు కెరీర్‌ని పూర్తిగా మార్చేసింది. ఇప్పుడు అలానే త‌న కెరీర్ కూడా మారాల‌ని ఆశ ప‌డుతున్నాడు శ్రీ‌కాంత్.
డిసెంబ‌రు 2న ఈ సినిమా విడుద‌ల కానుంది. ఈ సినిమాపై శ్రీ‌కాంత్ చాలా హోప్స్ పెట్టుకున్నాడు. సినిమాలో శ్రీ‌కాంత్ క్యారెక్ట‌ర్ ఏమాత్రం క్లిక్ అయినా, శ్రీ‌కాంత్ జాత‌క‌మే మారిపోతుంది. టాలీవుడ్ విల‌న్ పాత్ర‌ల‌కు మ‌రో ఛాయిస్ దొరికిన‌ట్టు అవుతుంది. అయితే.... శ్రీ‌కాంత్ కి బాల‌య్య ఓ స‌ల‌హా ఇచ్చాడ‌ట. ఏ పాత్ర ప‌డితే, ఆ పాత్ర చేయొద్ద‌ని, కెరీర్ ని జాగ్ర‌త్త‌గా డిజైన్ చేసుకోమ‌ని అంటున్నాడ‌ట. అంతేకాదు.. కొన్ని సినిమాల పాటు.. పాత్ర‌ల్ని తానే సెలెక్ట్ చేసి, ఇస్తానంటున్నాడ‌ట బాల‌య్య. త‌నే చెబితే ఇక తిరిగేముంది? సినిమా హిట్ట‌యితే చాలు. శ్రీ‌కాంత్ కి ఆఫ‌ర్లు వ‌చ్చేస్తాయి. త‌న‌కేమాత్రం న‌చ్చినా, త‌న సినిమాలోనే రిపీట్ చేయ‌డం... బాలయ్య‌కు అల‌వాటు. అలా బాల‌య్యే శ్రీ‌కాంత్ కి ఆప‌ర్లు ఇవ్వొచ్చు. లేదా.. మీ సినిమాలో శ్రీ‌కాంత్ ని తీసుకోండి అని రిక‌మెండ్ చేయొచ్చు. బాల‌య్య బాధ్య‌త తీసుకున్నాడు కాబ‌ట్టి... శ్రీ‌కాంత్ కెరీర్ ఇక సెట్ట‌యిన‌ట్టే.
