ఆర్ఆర్ఆర్ తో మరో పాన్ ఇండియా విజయాన్ని ఖాతాలో వేసుకున్నారు రాజమౌళి. ఆయన కొత్త సినిమాపై కూడా ప్రకటన వచ్చేసింది. సూపర్ స్టార్ మహేష్ బాబుతో ఓ భారీ పాన్ ఇండియా సినిమా చేయబోతున్నారు రాజమౌళి. అయితే ఈ సినిమా పనులు ఇంకా స్టార్ కాలేదు.
జూన్ లో ఓ వారం రోజులు హాలీడే ట్రిప్ వెళ్తారు రాజమౌళి. హాలీడే నుండి వచ్చిన తర్వాత మహేష్ సినిమా పనులు మొదలుపెడతారు. ఇప్పటికి స్టోరీ ఐడియా మాత్రమే లాక్ చేశారు. విజయేంద్ర ప్రసాద్ కథపై వర్క్ చేస్తున్నారు. దసరా తర్వాత రాజమౌళి ప్రీ ప్రొడక్షన్ పనులు స్టార్ట్ చేయబోతున్నారు. మహేష్ బాబు త్రివిక్రమ్ సినిమాకి రెడీ అవుతున్నారు. ఈ సినిమా పూర్తయిన్నప్పటికీ రాజమౌళి సెట్స్ పైకి వెళ్ళడానికి సిద్ధంగా వుంటారు.
