'ఎస్సెమ్సెస్‌' సినిమాతో తెలుగు తెరకు పరిచయమైన యంగ్‌ హీరో సుధీర్‌బాబు. తొలి సినిమాతోనే మాస్‌ ఆడియన్స్‌ని బాగా ఎట్రాక్ట్‌ చేశాడు. ఆ తర్వాత 'ప్రేమ కథా చిత్రమ్‌' సినిమాతో మంచి విజయాన్ని అందుకున్నాడు. 'భలే మంచి రోజు' సినిమా కూడా సుధీర్‌ కెరీర్‌లో బెస్ట్‌ మూవీగా చెప్పొచ్చు. ఇటీవలే 'శ్యమంతక మణి'తో మల్టీ స్టారర్‌ మూవీలోనూ నటించి మెప్పించాడు. అయితే ప్రస్తుతం సుధీర్‌ బాబు ఏం చేస్తున్నాడనేగా మీ అనుమానం. మనోడు అస్సలు ఖాళీ లేడండోయ్‌. వరుసగా ఐదు సినిమాలను ఒక్కసారే అనౌన్స్‌ చేసేశాడు. అవేంటో తెలుసుకోవాలనుకుంటున్నారా? ఇంతవరకూ 7 చిత్రాల్లో నటించాడు సుధీర్‌ బాబు. ఇక సుధీర్‌బాబు 8వ చిత్రం కొత్త దర్శకుడు ఇంద్రసేన దర్శకత్వంలో తెరక్కెబోతోంది. ఇదో డిఫరెంట్‌ కాన్సెప్ట్‌ మూవీ అట. తెలుగు చిత్ర సీమకే కొత్త రకం కథని ఈ సినిమా ద్వారా పరిచయం చేయబోతున్నారట. 9వ చిత్రంగా రాజశేఖర్‌ దర్శకత్వంలో ఓ సినిమా చేయబోతున్నాడు. ఇదో క్యూట్‌ లవ్‌స్టోరీ. ఫాదర్‌ సెంటిమెంట్‌ కూడా ఉంటుందట. ఈ సినిమా సుధీర్‌బాబు తన సొంత బ్యానర్‌లో రూపొందిస్తున్నాడు. కాగా 10వ చిత్రం ఇంద్రగంటి మోహన్‌ కృష్ణతో ఉండబోతోంది. నానితో 'జెంటిల్‌మెన్‌' సినిమాని తెరకెక్కించిన ఇంద్రగంటి మోహన్‌ కృష్ణ ఇప్పుడు సుధీర్‌బాబుతో ఓ న్యూ కాన్సెప్ట్‌ లవ్‌ స్టోరీని తెరకెక్కిస్తున్నారు. శివలెంక కృష్ణ ప్రసాద్‌ ఈ సినిమాని నిర్మిస్తున్నారు. డిశంబరులో ఈ సినిమా సెట్స్‌ మీదికి వెళ్లనుంది. బాలీవుడ్‌ బ్యూటీ అదితీ రావ్‌ హైదరీ హీరోయిన్‌గా నటిస్తోందీ సినిమాలో. ఇక 11వ సినిమా అందరికీ తెలుసంటున్నాడు సుధీర్‌ బాబు. వివరాలేమీ చెప్పలేదు. ఇదో ద్విభాషా చిత్రమట. ఇక 12వ చిత్రం రచయిత హర్షవర్ధన్‌ దర్శకత్వంలో ఉండనుంది. ఇదో డిఫరెంట్‌ జోనర్‌ మూవీ. లవ్‌ థ్రిల్లర్‌ కథాంశంతో తెరకెక్కుతోంది. ఇదీ సుధీర్‌బాబు చెప్పిన భలే మంచి మాట. నిజంగా భలేగుంది కదా. సుధీర్‌బాబు ఫ్యాన్స్‌కి భలే మంచి పండగ రోజే!