సునీల్‌ హీరోగా తెరకెక్కుతోన్న కొత్త చిత్రం 'ఉంగరాల రాంబాబు'. కేచీ టైటిల్స్‌తో ఈ భీమవరం బుల్లోడు బాగా ఆకట్టుకుంటాడు. కమెడియన్‌గా ఓ ఊపు ఊపేసిన సునీల్‌ హీరోగా కూడా తన రేంజ్‌ ఏంటో చూపించుకున్నాడు. అయితే గతేడాది వచ్చిన 'కృష్ణాష్టమి', జక్కన్న', ఈడు గోల్డ్‌ ఎహే' సినిమాలతో ఫర్వాలేదనిపించాడు. తాజాగా ఉంగరాల రాంబాబు సినిమా పాట చిత్రీకరణ జరుగుతోంది. మామూలుగానే సునీల్‌ మంచి డాన్సర్‌. ఇంతవరకూ వచ్చిన సినిమాలతో ఈ విషయం ప్రూవ్‌ చేసేసుకున్నాడు సునీల్‌. అయితే ఈ సినిమాలో సునీల్‌ అదిరిపోయే స్టెప్పులేస్తున్నాడట. ఈ సారి కొత్తగా ట్రై చేస్తున్నాడట. ఎలాంటి స్టెప్పులైనా ఈజీగా వేసేసే సునీల్‌ ఈ సారి సరికొత్త స్టెప్పులతో మన ముందుకు రాబోతున్నాడట. శరవేగంగా ఈ సినిమా షూటింగ్‌ జరుపుకుంటోంది. పరుచూరి కిరీటి ఈ సినిమాని నిర్మిస్తుండగా, క్రాంతిమాధవ్‌ దర్శకత్వం వహిస్తున్నారు. 'మళ్లీ మళ్లీ ఇది రాని రోజు' సినిమాలో కూల్‌ అండ్‌ రొమాంటిక్‌ లవ్‌ స్టోరీని అద్భుతంగా తెరకెక్కించిన క్రాంతి మాధవ్‌ ఈ సారి సునీల్‌తో ఓ మంచి ఫ్యామిలీ ఎంటర్‌టైనర్‌ని తెరకెక్కిస్తున్నాడట. ముద్దుగుమ్మ మియా జార్జ్‌ ఈ సినిమాలో హీరోయిన్‌గా నటిస్తోంది. సునీల్‌ ఈ సారి కూడా జోరుగానే ఉన్నాడు. ఒక సినిమా సెట్స్‌ మీద ఉండగానే మరో సినిమాని లైన్‌లో పెట్టేశాడు. ఎన్‌. శంకర్‌ దర్శకత్వంలో సునీల్‌ మరో సినిమా చేస్తున్నాడు.