పీరియాడిక్‌ వార్‌ నేపథ్యంలో ఓ సినిమా తెరకెక్కబోతోంది తెలుగులో. ఈ సినిమాలో హీరోయిన్‌ ఎవరో తెలుసా? బాలీవుడ్‌ హాటెస్ట్‌ భామ సన్నీలియోన్‌. అవునండీ మీరు విన్నది నిజమే. అక్షరాలా సన్నీలియోన్‌ ప్రధాన పాత్రలో ఈ సినిమా తెరకెక్కబోతోంది. 

తెలుగుతో పాటు తమిళ, హిందీ, మలయాళ భాషల్లోనూ ఈ సినిమా రిలీజ్‌ కానుంది. ప్రస్తుతానికి ఈ సినిమా గురించి ఇవే అప్‌డేట్స్‌. కానీ త్వరలోనే పూర్తి వివరాలు తెలియనున్నాయి. ఇప్పటి దాకా హాట్‌ హాట్‌ క్యారెక్టర్స్‌లోనే సన్నీలియోన్‌ని చూశాం. అలాంటిది ఈ సినిమాలో కత్తి పట్టి యుద్ధాలు చేసేస్తుందట హాటెస్ట్‌ బ్యూటీ సన్నీలియోన్‌. 

ఇంతవరకూ సన్నీలియోన్‌ ఒకటి, రెండు తెలుగు సినిమాల్లో నటించింది. అవి కూడా ఐటెం సాంగ్స్‌లోనే. 'కరెంట్‌ తీగ' సినిమాలో మంచు మనోజ్‌తో తొలి సారిగా తెలుగులో ఐటెం సాంగ్‌ చేసింది సెక్సీ బ్యూటీ సన్నీలియోన్‌. తర్వాత ఇటీవలే విడుదలైన 'గరుడవేగ' సినిమాలో మరో ఐటెం సాంగ్‌లో మెరిసింది. ఈ సినిమా ఘన విజయం సాధించడంతో సన్నీలియోన్‌కి మంచి పేరు వచ్చింది. అంతేకాదు ఈ సినిమా తర్వాత సన్నీలియోన్‌ దక్షిణాది సినిమాలపై బాగా ఇంట్రెస్ట్‌ చూపినట్లుగా కూడా తెలిసింది. 

ఆ ఇంట్రెస్ట్‌తోనే ఈ తాజా సినిమాకి సన్నీలియోన్‌ సైన్‌ చేసింది. పోర్న్‌ స్టార్‌గా గుర్తింపు తెచ్చుకున్న సన్నీలియోన్‌ ఇండియన్‌ సినిమాకి ఐటెం గాళ్‌గా పరిచయం అయ్యి, బాలీవుడ్‌ స్టార్‌ హీరోయిన్‌ అయిపోయింది. తర్వాత మెల్లమెల్లగా తెలుగు సినిమాల్లో ఐటెం గాళ్‌గా పరిచయమయ్యి, హీరోయిన్‌గానూ సెటిలైపోయేలానే ఉంది. ఏది ఏమైనా భాషతో సంబంధం లేకుండా సౌత్‌ సినిమాలపైనా ఇంట్రెస్ట్‌ చూపుతున్నందుకు సన్నీలియోన్‌ను అభినందించి తీరాల్సిందే.