బాలీవుడ్‌ బ్యూటీ సన్నీలియోన్‌ సౌత్‌ సినిమాలపై ఈ మధ్య ఆశక్తి చూపిస్తున్న సంగతి తెలిసిందే. ఇటీవలే 'గరుడవేగ' సినిమాలో ఐటెం సాంగ్‌లో తన తళుకు బెళుకులతో మురిపించిన ఈ హాట్‌ బ్యూటీ ఓ సౌత్‌ సినిమా కోసం ఫుల్‌ లెంగ్త్‌ రోల్‌ని పోషిస్తున్న సంగతి కూడా తెలిసిందే. అదే 'వీరమహాదేవి' టైటిల్‌తో తెరకెక్కుతోన్న సినిమా. ఈ సినిమా టైటిల్‌ని బట్టి ఇదేదో చారిత్రక నేపథ్యం ఉన్న చిత్రమనీ అనుకున్నారంతా. చిత్ర యూనిట్‌ కూడా ఆ విధంగానే ప్రమోట్‌ చేసింది. 

సన్నీలియోన్‌ అంటేనే గ్లామర్‌. అలాంటిది ఈ సినిమాలో సన్నీ గ్లామర్‌ లుక్‌లో కనిపించదనీ, వీరనారిలా కత్తి పట్టి యుద్ధాలు చేస్తుందనీ అన్నారు. అయితే అది కాస్తా ఉత్తదేనని ప్రచారం జరుగుతోందిప్పుడు. ఎప్పటిలాగే సన్నీలియోన్‌ ఈ సినిమాలో కూడా గ్లామరస్‌గానే కనిపిస్తుందనీ అంటున్నారు. శాంపిల్‌ కోసం ఈ సినిమా నుండి తాజాగా ఓ స్టిల్‌ కూడా హల్‌చల్‌ చేస్తోంది. బాత్రూమ్‌లో బాత్‌ టబ్‌లో సన్నీలియోన్‌ హాట్‌ హాట్‌ అందాల ప్రదర్శనతో కవ్వించే చూపులతో కుర్రకారుకు గాలం వేస్తోందీ స్టిల్‌లో. అంటే ఈ సినిమా అడల్ట్‌ కంటెన్ట్‌ మూవీనే కాబోలు అని భావించాల్సి వస్తోంది. 'వీర మహాదేవి' అంటే సౌత్‌లో వీర లెవల్లో సన్నీలియోన్‌ గ్లామర్‌ మెరుపులేనని అర్ధమవుతోంది. సన్నీలియోన్‌ ఏంటి? చారిత్రక సినిమా ఏంటి? అనుకున్నవారికందరికీ ఈ ఒక్క ఫోటోతో అసలు సిసలు సమాధానం చెప్పేసింది సన్నీలియోన్‌. 

సన్నీలియోన్‌ అంటే ప్రేక్షకుల్లో ఉన్న అభిప్రాయాన్ని ఏమాత్రం మార్చుకోవద్దనీ, తన నుండి ఆడియన్స్‌ ఏం ఎక్స్‌పెక్ట్‌ చేస్తారో అదే దక్కుతుందనీ శాంపిల్‌కి ఈ ఫోటోని సోషల్‌ మీడియాలో వదిలినట్లుగా తెలుస్తోంది. ఈ సంగతిలా ఉంచితే, అసలింతకీ సినిమాలో సన్నీ, ఈ రేంజ్‌లో గ్లామర్‌ ప్రదర్శనేనా? లేక దాంతో పాటు టైటిల్‌లో ఉన్నట్లుగా యాక్షన్‌ వీరత్వం కూడా చూపిస్తుందా అనేది చూడాలి మరి.