సుకుమార్ - బన్నీ లది సూపర్ హిట్ కాంబినేషన్. వీరి కాంబోలో వచ్చిన ఆర్య, ఆర్య 2 లు ఘనవిజయాన్ని సాధించాయి. నెక్స్ట్ వీరి కలయికలో వచ్చిన 'పుష్ప' వరల్డ్ వైడ్ ప్రభంజనం సృష్టించింది. ఇప్పుడు 'పుష్ప 2 ' రానుంది. ఈ మూవీ కోసం సినీ ప్రియులు ఆసక్తిగా ఎదురుచూస్తున్నారు. పుష్ప 2 చిత్రీ కరణలో ఉండగానే రోజుకొక అప్డేట్ తో భారీ అంచనాలు పెంచుతోంది. క్రేజీ క్యాస్టింగ్ ఇందులో ఉన్నారు. మొదటి పార్ట్ లో ఉన్న బన్నీ, రష్మిక, పాహద్ ఫాజిల్ తో పాటు , నయా డాన్ గా సంజయ్ దత్, ఐటెం సాంగ్ లో జాన్వీ కపూర్ కనిపించనున్నారు.
వీరే కాకుండా కోలీ వుడ్ సూపర్ స్టార్ సూర్య కూడా పుష్ప 2 లో గెస్ట్ అప్పీరియన్స్ ఇవ్వనున్నారని తెలుస్తోంది. కమల్ హాసన్ నటించిన విక్రమ్ సినిమాలో చివరలో సూర్య రోలెక్స్ పాత్రలో కనిపించి, నెక్స్ట్ పార్ట్ పై హైపు పెంచాడు. ఇప్పుడు పుష్ప 2 లో కూడా ఇలాంటి గెస్ట్ పాత్రలో సూర్య మెరవనున్నాడని తెలుస్తోంది. ఈవిషయాన్ని సర్ప్రైజింగ్ గా ఉంచాలని మూవీ యూనిట్ ప్లాన్ చేసినా ఈ న్యూస్ సోషల్ మీడియాలో లీక్ అయింది. దాంతో ఈ విషయం పై అఫీషియల్ క్లారిటీ ఇవ్వాలని టీమ్ భావిస్తుందని సమాచారం.
సంజయ్ దత్ డాన్, ఐటెం గాళ్ జాన్వీ కపూర్ , గెస్ట్ అప్పీరియన్స్ లో సూర్య అన్న టాక్ తో జనాల్లో క్యూరియాసిటీ పెరిగింది. ఈ మూవీ షూటింగ్ కంప్లీట్ అయ్యేసరికి ఇంకెన్ని అప్డేట్స్ వస్తాయో చూడాలి. రిలీజ్ అయ్యాక ఎన్ని రికార్డ్స్ గల్లంతు అవుతాయో మరి.
