మహేష్‌బాబు, మురుగదాస్‌ కాంబినేషన్‌లో తెరకెక్కుతోన్న సినిమాకి టైటిల్‌ ఫిక్స్‌ చేసినట్టు తెలుస్తోంది. ఇంతవరకూ ఈ సినిమాకు 'సంభవామి' అనే టైటిల్‌ని అనుకున్నారు. మరో పక్క 'మర్మం' అనే టైటిల్‌ కూడా వినిపించింది. అయితే తాజాగా 'అభిమన్యు' అనే టైటిల్‌ పేరు వినిపిస్తోంది. దాదాపుగా ఈ టైటిల్‌ ఓకే అయినట్లే తెలుస్తోంది. అయితే ఇంకా అధికారికంగా ప్రకటించలేదు. కానీ స్టోరీని బట్టి చూస్తే ఈ సినిమాకి ఈ టైటిల్‌ అయితే బావుంటుందని భావిస్తున్నారట. టైటిల్‌ కూడా పవర్‌ఫుల్‌గా ఉండడంతో చిత్ర యూనిట్‌ ఈ టైటిల్‌కే మొగ్గు చూపుతోందని తెలయ వస్తోంది. ముద్దుగుమ్మ రకుల్‌ ప్రీత్‌ సింగ్‌ ఈ సినిమాలో హీరోయిన్‌గా నటిస్తోంది. త్వరలోనే ఈ సినిమా ఫస్ట్‌లుక్‌ని విడుదల చేయనున్నారట. ఈ సినిమాలో మహేష్‌ పవర్‌ ఫుల్‌ పోలీసాఫీసర్‌ పాత్రలో కనిపిస్తున్న సంగతి తెలిసిందే. ఇదో బైలింగ్వల్‌ మూవీ. తెలుగుతో పాటు, తమిళంలో కూడా తెరకెక్కుతోంది. ఈ సినిమాలో తమిళ నటుడు భరత్‌ కీలకపాత్రలో పోషిస్తున్నాడు. తమిళ డైరెక్టర్‌ ఎస్‌.జె. సూర్య ఈ సినిమాలో విలన్‌గా నటిస్తున్నాడు. శరవేగంగా ఈ సినిమా షూటింగ్‌ జరుపుకుంటోంది. ఈ సినిమాలో మహేష్‌ కొత్తగా, కొంచె డిఫరెంట్‌గా కనిపించబోతున్నాడట. మురుగదాస్‌ స్టోరీ అంటేనే చాలా పవర్‌ఫుల్‌గా ఉంటుంది. అలాగే పవర్‌ఫుల్‌ స్టోరీతో భారీ బడ్జెట్‌ మూవీగా ఈ సినిమా తెరకెక్కుతోంది.