తెలుగులో స్టార్‌ హీరోస్‌తో నటించి, నెంబర్‌ వన్‌ హీరోయిన్‌ అనిపించుకున్న త్రిష ఇప్పుడు తమిళ సినిమాలతో బిజీగా గడుపుతోంది. మొన్నీ మధ్యనే 'నాయకి' సినిమాతో ప్రేక్షకుల ముందుకొచ్చింది. ఇదో హారర్‌ థ్రిల్లర్‌ మూవీ. చాలా అంచనాల నడుమ విడుదలైంది. కానీ ఆశించిన స్థాయిలో విజయాన్ని అందుకోలేకపోయింది. 

తాజాగా ఇప్పుడు మరో చిత్రంతో రానుంది. ఇది కూడా హారర్‌ థ్రిల్లర్‌ మూవీనే. 'మోహిని' టైటిల్‌తో ఈ సినిమా తెరకెక్కుతోంది. ఫస్ట్‌లుక్‌లో త్రిష మోహినిగా డిపరెంట్‌ గెటప్‌లో కనిపించింది. లేటెస్టుగా ఈ సినిమా తమిళ ట్రైలర్‌ విడుదలయ్యింది. ట్రైలర్‌ని చాలా ఇంట్రెస్టింగ్‌గా రూపొందించారు. మామూలుగా థ్రిల్లర్‌ మూవీస్‌ అంటే లిమిటెడ్‌ బడ్జెట్‌లో తెరకెక్కించేస్తారు. కానీ ఈ ట్రైలర్‌ చాలా రిచ్‌గా ఉంది. ట్రైలర్‌ చూస్తుంటే సినిమాని ఎక్కువ బడ్జెట్‌తో తెరకెక్కించారని తెలుస్తోంది. ట్రైలర్‌ చాలా ఇంట్రెస్టింగ్‌గా ఉంది. మాదేష్‌ ఈ సినిమాని తెరకెక్కిస్తున్నారు. ఫారెన్‌ లొకేషన్స్‌లో ఈ సినిమాని తెరకెక్కిస్తున్నారట. 

పగ తీర్చుకునే ఓ ఆత్మ కథే ఈ సినిమా అట. సీనియర్‌ నటుడు సురేష్‌ ఈ సినిమాలో కీలక పాత్రలో నటిస్తున్నాడు. గతంలో చేసిన 'నాయకి' చిత్రంలో కూడా త్రిష ఆత్మలాగే కనిపించింది. కానీ ఈ సినిమాలో త్రిష పాత్ర కొత్తగా ఉండనుందట. ఫస్ట్‌లుక్‌, ట్రైలర్‌ చూస్తుంటే, సినిమా కొత్త కాన్సెప్ట్‌ అనే తెలుస్తోంది. అయితే 'ఆత్మ' కాన్సెప్ట్‌తో చాలా సినిమాలే తెరకెక్కాయి. కానీ ఈ సినిమాలో కథ, కథనాలు సరికొత్తగా ఉండబోతున్నాయట. చూడాలి మరి, ఈ సినిమాతో త్రిష ఎలా భయపెడుతుందో, ఎంతగా ఆకట్టుకుంటుందో!