ఎన్టీఆర్ - త్రివిక్ర‌మ్ కాంబినేష‌న్‌లో ఓ సినిమా రానున్న సంగ‌తి తెలిసిందే. `ఆర్.ఆర్.ఆర్` త‌ర‌వాత.. ఎన్టీఆర్ చేయ‌బోయే సినిమా అదే. ఇప్ప‌టికే త్రివిక్ర‌మ్ స్క్రిప్టు ప‌నులు పూర్తి చేశాడు. ఎన్టీఆర్ రావ‌డ‌మే ఆల‌స్యం. సినిమాని ప‌ట్టాలెక్కించేస్తాడు. ఇప్పుడు క‌థానాయిక ఎంపిక‌పై కూడా త్రివిక్ర‌మ్ ఓ స్ప‌ష్ట‌మైన అవ‌గాహ‌న‌కు వ‌చ్చేశాడ‌ని టాక్‌. ఈ సినిమాలో క‌థానాయిక‌గా చాలామంది పేర్లు ప‌రిశీల‌న‌లో ఉన్నాయి. పూజా హెగ్డే పేరు దాదాపు ఖాయం అనుకుంటున్నారు. అయితే... హీరోయిన్ విష‌యంలో త్రివిక్ర‌మ్ ఓ ట్విస్ట్ ఇచ్చిన‌ట్టు టాక్‌.
పూజాని ప‌క్క‌న పెట్టి, కీర్తి సురేష్‌ని ఎంచుకోవాల‌ని భావిస్తున్నాడ‌ట. `అజ్ఞాత‌వాసి`లో కీర్తిని ఏరి కోరి ఎంచుకున్నాడు త్రివిక్ర‌మ్. అయితే ఆ సినిమా ఫ్లాప్ అయ్యింది. అందుకే... ఈసారి హిట్ సినిమా ఇవ్వాల‌ని ఫిక్స‌య్యాడ‌ట. ఎన్టీఆర్ - పూజా కాంబోని ఆల్రెడీ ప్రేక్ష‌కులు చూసేశారు. అందుకే... కాంబినేష‌న్ మార్చాలనుకుంటున్నాడ‌ట. ఇదే నిజ‌మైతే.. తెర‌పై ఓ కొత్త కాంబోని చూసే అవ‌కాశం ద‌క్కుతుంది.
