'అల వైకుంఠపురములో' ఆల్బమ్ ఓ అద్భుతం. పాటలన్నీ చార్ట్ బస్టర్స్. సినిమా విజయంలో కుంభం బాగం పాటలది. తొలిసారి కలసి పనిచేసిన త్రివిక్రమ్ కి వండర్ ఫుల్ ఆల్బమ్ ఇచ్చాడు తమన్. నిజానికి తమన్ నుంచి అంతమంచి ఆల్బమ్ త్రివిక్రమ్ కూడా ఊహించలేదు. మొత్తానికి తమన్ అద్భుతం చేశాడు. ఇప్పుడు మరోసారి త్రివిక్రమ్, తమన్ కలిశారు. మహేష్ బాబు తో త్రివిక్రమ్ చేస్తున్న సినిమాకి తమన్ మ్యూజిక్. సినిమాకి కొబ్బరికాయ్ కూడా కొట్టేశారు. అయితే ఇప్పటికే ఈ సినిమా మ్యూజిక్ సిట్టింగ్స్ జరిగాయి. కానీ ఇంకా ఒక్క ట్యూన్ ని కూడా ఫైనల్ చేయలేదు. దీనికి కారణం తమన్ అని తెలిసింది.
'అల వైకుంఠపురములో' తర్వాత తమ కాంబినేషన్ లో వస్తున్న సినిమాపై సహజంగానే భారీ అంచనాలు వుంటాయి. ఆ అంచనాలు కారణంగానే తమన్ ని కాస్త ఒత్తిడికి లోనౌతున్నాడని, కొన్ని ట్యూన్స్ చేశారు కానీ ఇంకాస్త టైం కావాలని తమన్ కోరినట్లు తెలిసింది. అయితే తమన్ ఒత్తిడిని గమనించిన త్రివిక్రమ్'' మైండ్ లో ఎలాంటి లెక్కలు వేసుకోవద్దు, నేచురల్ ఫ్లో పనిచేసుకుంటూ వెళ్దాం'' అని సలహా ఇచ్చారట. తర్వలోనే మళ్ళీ మ్యూజిక్ సిట్టింగ్స్ మొదలౌతాయి.
ఇప్పటికే మహేష్ కి సర్కారు వారి పాటకి పని చేశాడు తమన్. ఈ ఆల్బం కూడా బావొచ్చిందని వినిపిస్తుంది. ఇప్పుడు మళ్ళీ త్రివిక్రమ్ సినిమా. ప్రస్తుతం తమన్ వున్న ఫామ్ చూస్తుంటే ఖచ్చితంగా ఇంకో చార్ట్ బస్టర్ ఆల్బమ్ గ్యారెంటీ అని నమ్మకంగా వున్నారు ఫ్యాన్స్. తమన్ కూడా ఫ్యాన్స్ అంచనాలు తగ్గట్టు మరో అద్భుతమైన ఆల్బమ్ ఇచ్చే పనిలో నిమగ్నమయ్యాడు.
