ఫిల్మ్ మేకర్ నాగ్ అశ్విన్ సైన్స్ ఫిక్షన్ చిత్రం 'ప్రాజెక్ట్ K' అనౌన్స్ చేసినప్పటి నుంచి హెడ్ లైన్స్ లో నిలుస్తుంది. ప్రేక్షకులు ఎంతో ఆసక్తిగా ఎదురుచూస్తున్న ఈ చిత్రంలో మెగాస్టార్ అమితాబ్ బచ్చన్, ప్రభాస్, దీపికా పదుకొణె, దిశా పటానీ ప్రధాన పాత్రలు పోషిస్తున్నారు. తెలుగు సినిమా బిగ్గెస్ట్ ప్రొడక్షన్ హౌస్ వైజయంతీ మూవీస్ నిర్మిస్తున్న ఈ చిత్రంలో ఉలగనాయగన్ కమల్ హాసన్ కీలక పాత్ర పోషిస్తున్నారని మేకర్స్ అనౌన్స్ చేశారు. కమల్ హాసన్ 'ప్రాజెక్ట్ కె'లో చేరడంతో ఇండియన్ సినిమాలో గ్రేటెస్ట్ స్టార్ కాస్ట్ వున్న చిత్రంగా 'ప్రాజెక్ట్ కె' నిలిచింది.

దీనిపై ఉలగనాయగన్ కమల్ హాసన్ మాట్లాడుతూ.. “50 సంవత్సరాల క్రితం నేను డ్యాన్స్ అసిస్టెంట్, అసిస్టెంట్ డైరెక్టర్‌గా ఉన్నప్పుడు నిర్మాణ రంగంలో అశ్వినీదత్ అనే పేరు పెద్దగా వినిపించింది. 50 ఏళ్ల తర్వాత మేమిద్దరం కలిసి వస్తున్నాం. ఈ చిత్రానికి నెక్స్ట్ జనరేష్  బ్రిలియంట్ డైరెక్టర్  దర్శకత్వం వహిస్తున్నారు. నా సహనటులు మిస్టర్ ప్రభాస్, దీపిక కూడా ఆ తరం వారే. నేను ఇంతకు ముందు అమిత్ జీ తో కలిసి పనిచేశాను. అయినా ప్రతిసారి కొత్తగానే అనిపిస్తుంది. అమిత్ జీ తనను తాను కొత్తగా ఆవిష్కరించుకుంటూనే ఉన్నారు. నేను కూడా ఆ ప్రక్రియను అనుకరిస్తున్నాను. నేను ప్రాజెక్ట్ K కోసం ఆసక్తిగా ఎదురుచూస్తున్నాను. ప్రేక్షకులు నన్ను ఏ స్థానంలో ఉంచినా, నా మొదట స్వభావం నేను సినిమా అభిమానిని. నా పరిశ్రమలో ఏ కొత్త ప్రయత్నమైనా ఆ స్వభావం మెచ్చుకుంటూనే ఉంటుంది. ప్రాజెక్ట్ K కి నాదే మొదటి ప్రశంస. మా దర్శకుడు నాగ్ అశ్విన్ విజన్‌ తో మన దేశం, సినిమా ప్రపంచం అంతా ప్రశంసలు మార్మ్రోగుతాయని నేను ఖచ్చితంగా చెబుతున్నాను’’ అన్నారు.

ప్రభాస్ తన ఇన్‌స్టాగ్రామ్‌లో పోస్ట్ చేస్తూ, “నా మనసులోఎప్పటికీ నిలిచిపోయే క్షణం. #ప్రాజెక్ట్ కె లో లెజండరీ కమల్ హసన్ సర్‌ తో కలిసి పని చేయడం గౌరవంగా భావిస్తున్నాను. ఇంత గొప్ప వ్యక్తి తో కలిసి పనిచేయడం, నేర్చుకునే అవకాశం రావడం కల నెరవేరిన క్షణం’ అన్నారు.

 
కమల్ హాసన్ ఈ చిత్రంలో చేరడం గురించి నిర్మాత అశ్వనీదత్  మాట్లాడుతూ.. “నా కెరీర్‌లో మిస్టర్ కమల్ హాసన్‌ తో కలిసి పనిచేయడం ఎప్పటినుంచో ఉన్న కల.  ‘ప్రాజెక్ట్ కె’తో ఇప్పుడు కల సాకారమైంది. మిస్టర్ కమల్ హాసన్, మిస్టర్ అమితాబ్ బచ్చన్ .. ఇద్దరు దిగ్గజ నటులతో కలిసి పని చేయడం ఏ నిర్మాతకైనా గొప్ప క్షణం. నా కెరీర్‌లో 50వ సంవత్సరంలో ఈ అవకాశం రావడం ఇది నిజంగా నాకు వరం’’ అని అన్నారు.

దర్శకుడు నాగ్ అశ్విన్ కూడా ఉలగనాయగన్ కమల్ హాసన్ చిత్రంలో చేరడం పట్ల తన ఆనందం పంచుకున్నారు. ఆయన మాట్లాడుతూ “ఇన్ని విలక్షణమైన పాత్రలు చేసిన కమల్‌ సర్‌ కలసి పని చేయడం గౌరవంగా వుంది. ఆయన ఈ చిత్రంలోకి వచ్చి మా ప్రపంచాన్ని పూర్తి చేయడానికి అంగీకరించినందుకు మేమంతా చాలా సంతోషిస్తున్నాము’’అన్నారు.

‘ప్రాజెక్ట్ K’ వైజయంతీ మూవీస్ నిర్మిస్తున్న మల్టీ లింగ్వల్ సైన్స్ ఫిక్షన్. 50 మెమరబుల్స్ ఇయర్స్ జరుపుకుంటున్న వైజయంతీ మూవీస్ ఈ గోల్డెన్ జూబ్లీ ప్రాజెక్ట్‌ ను ప్రతిష్టాత్మకంగా నిర్మిస్తోంది.