మెగా మేన‌ల్లుడు సాయిధ‌ర‌మ్ తేజ్ త‌మ్ముడు వైష్ణ‌వ్ తేజ్ హీరోగా ఎంట్రీ ఇస్తున్న సినిమా `ఉప్పెన‌`. మైత్రీ మూవీస్ ఈ చిత్రాన్ని నిర్మించింది. సుకుమార్ శిష్యుడు బుచ్చి బాబు ద‌ర్శ‌కుడు. ఈనెల 12న విడుద‌ల చేస్తున్నారు. తెలుగులో ఈ మ‌ధ్య పూర్తి ల‌వ్ స్టోరీ ఏదీ రాలేదు. పైగా ఫిబ్ర‌వ‌రి 14న ప్రేమికుల రోజు. ఇప్ప‌టికే ఈ సినిమాలోని పాట‌లు సూప‌ర్ హిట్ట‌య్యాయి. అందుకే ఈ సినిమాకి ఓపెనింగ్స్ అదిరిపోయే ఛాన్సుంది. అయితే ఈ సినిమాపై చిత్ర‌బృందానికి న‌మ్మ‌కాలు ఉన్నాయా? లేదా? అనే డౌటు వ‌స్తోంది.

ఎందుకంటే ఇప్ప‌టికే ఈ సినిమాకి రిపేర్లు జ‌రిగిన‌ట్టు, రీషూట్లు చేయించిన‌ట్టు... వార్త‌లొచ్చాయి. పైగా చివ‌రి క్ష‌ణాల్లో సుకుమార్ మ‌రింత జోక్యం చేసుకోవ‌డం మొద‌లెట్టాడ‌ట‌. ఫ‌స్ట్ కాపీ రెడీ అయ్యాక కూడా మార్పులు చేర్పులూ అంటూ సీన్ ఆర్డ‌ర్ ని అటూ ఇటూ మార్చేశాడ‌ట‌. ఈ సినిమా క్లైమాక్స్ భారంగా ఉంద‌ని కూడా కామెంట్లు వినిపిస్తున్నాయి. ఇంత‌లా మార్పులు చేర్పులూ చేశారంటే, ఫ‌లితం ఎలా వ‌స్తుందో అని అంద‌రి అనుమానం.

కాక‌పోతే.. ఇప్ప‌టి వ‌ర‌కూ వ‌చ్చిన పాట‌లు, టీజ‌ర్ చూస్తే.. ఈ సినిమాలో విష‌యం ఉంద‌న్న సంగ‌తి అర్థం అవుతోంది. పైగా.. విజ‌య్ సేతుప‌తి లాంటి ఓ స్టార్ ఈ సినిమాకి వెన్నుద‌న్నుగా ఉన్నాడు. సో.... ఉప్పెన కి ఏమాత్రం పాజిటీవ్ బ‌జ్ వ‌చ్చినా... వ‌సూళ్ల ఉప్పెన చూడ‌డం ఖాయం.