శేఖర్‌ కమ్ముల డైరెక్షన్‌లో తెరకెక్కుతోన్న చిత్రం 'ఫిదా'. మెగా రాకుమారుడు వరుణ్‌ తేజ్‌ హీరోగా తెరకెక్కుతోంది ఈ చిత్రం. మలయాళ కుట్టి సాయి పల్లవి హీరోయిన్‌గా నటిస్తోంది. తమిళ 'ప్రేమమ్‌' సినిమాతో ఏకంగా సౌత్‌ సినిమా దృష్టిని ఆకర్షించింది ఈ ముద్దుగుమ్మ. 'ప్రేమమ్‌'లో అమ్మడి నటనని ప్రశంసించని వారు లేరంటే అతిశయోక్తి కాదు. తాజాగా 'ఫిదా' సినిమాతో తెలుగు ప్రేక్షకలను పలకరించబోతోంది. నేచురల్‌ నటనతో ఇప్పుడున్న హీరోయిన్స్‌కి ట్రెండింగ్‌గా మారనుందని ఈ అమ్మడిపై అప్పుడే అంచనాలున్నాయి. దిల్‌ రాజు సమర్పణలో వస్తున్న ఈ సినిమా అమెరికా అబ్బాయి, తెలంగాణా అమ్మాయి మధ్య జరిగే ప్రేమ కథా నేపథ్యంగా తెరకెక్కుతోంది. ఇటీవలే 'మిస్టర్‌' సినిమాతో మన ముందుకొచ్చాడు వరుణ్‌ తేజ్‌. కానీ ఈ సినిమా అనుకున్న విజయాన్ని అందుకోలేకపోవడంతో వరుణ్‌ తేజ్‌ ఆశలన్నీ 'ఫిదా' పైనే పెట్టుకున్నాడు. మరో పక్క ముద్దుగుమ్మ సాయి పల్లవి పుట్టినరోజు సందర్భంగా ఈ రోజు ఫిదా మోషన్‌ పోస్టర్‌ విడుదల చేసింది చిత్ర యూనిట్‌. ఈ పోస్టర్‌లో సాయి పల్లవి లంగా వోణీతో వయ్యారంగా చిందేస్తున్న వైనం అందర్నీ ఆకర్షిస్తోంది. తమిళంలో మాదిరిగా ఈ ముద్దుగుమ్మ తెలుగులో కూడా అద్భుతమైన యాక్టింగ్‌తో ఎలా మెస్మరైజ్‌ చేస్తుందో చూడాలిక. త్వరలోనే ఈ సినిమా ప్రేక్షకుల ముందుకు రానుంది.