`వ‌కీల్ సాబ్` సినిమాతో ఓ మంచి హిట్టు కొట్టాడు వేణు శ్రీ‌రామ్. ఆ సినిమాతో వేణు సత్తా ఏమిటో బ‌య‌ట‌ప‌డింది. ఓ రీమేక్ క‌థ‌ని, ప‌వ‌న్ ఇమేజ్ కి త‌గ్గ‌ట్టు మార్చుకుని, ప‌వ‌న్ ఫ్యాన్స్ కి న‌చ్చేలా తీర్చిదిద్దాడు. ఎప్పుడైతే `వ‌కీల్ సాబ్` తో హిట్టు ద‌క్కిందో, త‌న క‌లల ప్రాజెక్టు `ఐకాన్`ని సెట్స్‌పైకి తీసుకెళ్ల‌డానికి మార్గం సుగుమం అయ్యింది. ఈ ప్రాజెక్టుని హోల్డ్‌లో పెట్టిన బ‌న్నీ.. ఎట్ట‌కేల‌కు ఈ సినిమా చేయ‌డానికి గ్రీన్ సిగ్న‌ల్ ఇచ్చాడ‌ని కూడా వార్త‌లొచ్చాయి.
అయితే.. ఇప్పుడు ఈ క‌థ మ‌రో మ‌లుపు తిరిగింది. `ఐకాన్` క‌థ‌ని వేణు శ్రీ‌రామ్ తాత్కాలికంగా ప‌క్క‌న పెట్టేసిన‌ట్టు తెలుస్తోంది. మ‌రో క‌థ‌ని త‌యారు చేసుకుంటున్నాడ‌ట. ఈసారి కూడా ప‌వ‌న్ క‌ల్యాణ్ కోస‌మే క‌థ సిద్ధం చేస్తున్నాడ‌ని తెలుస్తోంది. వెంక‌టేష్ కోసం మ‌రో లైన్ అనుకుంటున్నాడ‌ట. వీరిద్ద‌రిలో ఎవ‌రి ముందు ఓకే చెబితే వాళ్ల‌తో సినిమా చేయ‌డానికి వేణు శ్రీ‌రామ్ సిద్ధంగా ఉన్నాడ‌ని స‌మాచారం. ఐకాన్ పై వేణు శ్రీ‌రామ్ కి ఇంకా కొన్ని డౌట్లు ఉన్నాయ‌ని, అవ‌న్నీ ఓ కొలిక్కి రావ‌డానికి టైమ్ ప‌డుతుంద‌ని, ఈ గ్యాప్ లో మ‌రో సినిమా చేయాల‌నుకుంటున్నాడ‌ని వేణు శ్రీ‌రామ్ స‌న్నిహిత వ‌ర్గాలు సైతం చెబుతున్నాయి. సో.. ఐకాన్ ని తెర‌పై చూడాలంటే మ‌రి కొన్నాళ్లు ఆగాల్సిందే.
