'బేగమ్‌ జాన్‌' సినిమా కోసం విద్యాబాలన్‌ హాట్‌గా నటించిందట కదా? అన్న ప్రశ్నకు విద్యాబాలన్‌ సమాధానం చాలా ఇంట్రెస్టింగ్‌గా ఉంది. అదేమిటంటే, సెక్సప్పీల్‌ ఆమెకి కొత్త కాదట. వెండితెరపై సెక్సప్పీల్‌ విషయంలో 'డర్టీపిక్చర్‌' సినిమాతో తనకు నూటికి నూరు మార్కులు పడ్డాయని విద్యాబాలన్‌ వివరించింది. కాబట్టి ఇప్పుడు కొత్తగా సెక్సప్పీల్‌ గురించి మాట్లాడటంలో అర్థం లేదని అంటోందామె. కొన్ని సినిమాల్లో సెక్సప్పీల్‌ గురించి మాట్లాడొచ్చు, 'బేగమ్‌ జాన్‌' లాంటి సినిమాల గురించి అలాంటివి మాట్లాడకూడదని విద్యాబాలన్‌ ఖరాఖండీగా చెప్పింది. 'బేగమ్‌ జాన్‌' సినిమాలో విద్యాబాలన్‌ వ్యభిచార గృహ నిర్వాహకురాలిగా నటిస్తున్నప్పటికీ ఇందులో చాలా ఎమోషన్స్‌ ఉన్నాయట. భారత్‌ - పాక్‌ మధ్య సరిహద్దు వివాదాల నేపథ్యంలో ఈ సినిమా దేశభక్తి కోణంలో కూడా కనిపిస్తుందని ఇప్పటికే వార్తలు వినవస్తున్నాయ్‌. దానికి తగ్గట్టుగానే విజువల్స్‌ కనిపిస్తున్నాయి కూడా. త్వరలో విడుదలకు సిద్ధమవుతున్న 'బేగమ్‌ జాన్‌' సినిమాపై భారీ అంచనాలే ఉన్నాయి. ఆ అంచనాల్ని తమ సినిమా ఖచ్చితంగా అందుకుంటుందని విద్యాబాలన్‌ ధీమాగా చెబుతోంది. రేపే 'బేగమ్‌ జాన్‌' సినిమా ప్రేక్షకుల ముందుకు రానుంది.
