దేశవ్యాప్తంగా పుష్ప మానియా నడుస్తోంది. డిసెంబరు 5 న పుష్ప వరల్డ్ వైడ్ గా థియేటర్స్ లో రిలీజ్ కానుంది. 4 న ప్రీమియర్ షోలు వేస్తున్నారు. ఈ క్రమంలోనే పుష్ప3 వార్తలు హల్చల్ చేస్తున్నాయి. మొదటి పార్ట్ 'పుష్ప ది రైజ్' అని, సెకండ్ పార్ట్ 'పుష్ప ది రూల్' అని టైటిల్స్ పెట్టారు. మొదటి నుంచి పార్ట్ 3 ఉంటుంది అని చెప్తూనే ఉన్నారు టీమ్. హైదరాబాద్ లో జరిగిన ప్రీరిలీజ్‌ ఈవెంట్‌ లో కూడా సుకుమార్ 'పుష్ప 3' గూర్చి మాట్లాడుతూ నా కోసం మళ్లీ మూడేళ్లు ఇస్తే తప్పకుండా 'పుష్ప ౩' చేస్తానని సుక్కూ అడిగారు. పుష్ప 2 క్లైమాక్స్ లో మూడో పార్ట్ లీడ్ ఇస్తున్నారు.
తాజాగా పార్ట్ 3 టైటిల్ కూడా రివీల్ చేసారు మేకర్స్. పుష్ప 2 కి సౌండ్‌ ఇంజినీర్‌గా వర్క్ చేస్తున్న ఆస్కార్‌ విన్నర్ రసూల్‌ పూకుట్టి, తనటీమ్ తో ఉన్న ఫొటోని ఎక్స్ లో షేర్ చేసారు. బ్యాక్ గ్రౌండ్ లో స్క్రీన్ మీద ''పుష్ప 3: ది ర్యాంపేజ్‌'' అనే టైటిల్ ఉంది. దీనితో పార్ట్ 3 కి 'పుష్ప ది ర్యాంపేజ్‌' అనే టైటిల్ ఫిక్స్ చేసినట్టు తెలుస్తోంది. ఈ టైటిల్ గతంలోనే రౌడీ హీరో విజయ్ దేవరకొండ రివీల్ చేసారు. సుకుమార్ కు విజయ్ పుట్టినరోజు శుభాకాంక్షలు చెప్తూ '2021 - ది రైజ్, 2022 - ది రూల్, 2023 - ది ర్యాంపేజ్‌' అంటూ ట్వీట్ చేసాడు.
ఈ క్రమంలోనే పుష్ప పార్ట్ 3 లో విజయ్ దేవరకొండ విలన్ గా నటిస్తున్నట్లు వార్తలు ఊపందుకున్నాయి. అందుకే సుకుమార్ విజయ్ కి ఆ టైటిల్ గూర్చి చెప్పి ఉంటారని, విజయ్ ముందే సోషల్ మీడియాలో పోస్ట్ చేసి హింట్ ఇచ్చాడని అంటున్నారు. నిజంగా అదే నిజమైతే అల్లు అర్జున్ కి విలన్ గా విజయ్ దేవరకొండ నటిస్తే మూవీ క్రేజ్ మరింత పెరుగుతుంది.
