రౌడీస్టార్‌గా తన డిఫరెంట్‌ ఆటిట్యూడ్‌తో యూత్‌లో డిఫరెండ్‌ క్రేజ్‌ సంపాదించుకున్నాడు విజయ్‌ దేవరకొండ. హిట్‌, ఫ్లాప్‌తో సంబంధం లేకుండా, యూత్‌లో ఆ క్రేజ్‌ని అలాగే కంటిన్యూ చేస్తున్నాడు. బిజీగా సినిమాలు చేస్తున్నాడు. ప్రస్తుతం 'వరల్డ్‌ ఫేమస్‌ లవర్‌' సినిమాలో నటిస్తున్నాడు. ఈ సినిమాలో మూడు డిఫరెంట్‌ టైప్స్‌ ఆఫ్‌ గెటప్స్‌తో విజయ్‌ దేవరకొండ ఆకట్టుకోనున్నాడు. ఆల్రెడీ ఓ లుక్‌ అఫీషియల్‌గా రివీల్‌ చేశారు.
ఇంకో లుక్‌కి సంబంధించి అఫీషియల్‌ ప్రకటన రాలేదు కానీ, రౌడీ ప్రస్తుతం ఇదే లుక్‌లో కనిపిస్తున్నాడు. అంటే ఇది కూడా సినిమాలో ఓ లుక్‌గానే భావించాలి. ఈ సంగతి అటుంచితే, మనోడికి సినిమాలే కాదు, ఎక్స్‌ట్రా బిజినెస్‌లు కూడా ఉన్న సంగతి తెలిసిందే. అదేనండీ ఆన్‌లైన్‌ బట్టలకొట్టు. ఆ బట్టల కొట్టులో యూత్‌ని ఎట్రాక్ట్‌ చేసే డిఫరెంట్‌ డిజైన్స్‌ లో బట్టలు అమ్ముతూ ఉంటాడు. వాటికి తానే బ్రాండ్‌ అంబాసిడర్‌. ఫ్యాషన్‌తో పాటు, ట్రెడిషనల్‌ వేర్‌ కూడా మన విజయ దేవరకొండ బట్టల కొట్టులో విచ్చల విడిగా దొరికేస్తుంటాయ్‌. ఈ బిజినెస్‌ని మరింత ముందుకు తీసుకెళ్లేందుకు వాటిలో బ్రాండెడ్‌ ఫుట్‌వేర్‌ కూడా యాడ్‌ చేశాడు మనోడు.
'స్ట్రీట్‌ బ్రాండ్‌' పేరుతో ఈ ఫుట్‌ వేర్‌ అందుబాటులోకి రానుంది. ఈ బ్రాండ్‌ని ప్రమోట్‌ చేసేందుకు మనోడు ఓ డిఫరెంట్‌ ఫోటో షూట్‌ చేయించుకున్నాడు. విజయ్‌ దేవరకొండ అంటే ఆటిట్యూడ్‌.. ఆటిట్యూడ్‌ అంటే విజయ్‌ దేవరకొండ. ఆ రెండూ ఓవర్‌ డోస్‌లో మిక్స్‌ అయి ఉన్న ఈ ఫోటోలిప్పుడు నెట్టింట్లో యూత్‌ని కిత కితలు పెట్టించేస్తున్నాయి. ఇక రౌడీ లుక్‌కి యాజ్‌ యూజ్‌వల్‌ యూత్‌ ఫిదా అయిపోతున్నారు. అదీ మన రౌడీ స్ట్రీట్‌ బ్రాండ్‌ సంగతి.
