అర్జున్ రెడ్డితో ఓవర్ నైట్ స్టార్ స్టేటస్ అందుకున్న హీరో విజయ్ దేవరకొండ. ఆ ఒక్క సినిమా తన కెరీర్ ని మలుపు తిప్పేసింది అని చెప్పొచ్చు. ప్రేక్షకులు కూడా అర్జున్ రెడ్డిని సినిమాలో విజయ్ పాత్రని ఓ సినిమాలో పాత్రలా కాకుండా ఆ పాత్రని తమ సొంతం చేసుకున్నారు. అందుకే విజయ్ కి ప్రేక్షకుల్లో ఒక స్టార్ స్టేటస్ వచ్చేసింది.
ఇక ఇంతటి ఆదరణ ఇస్తున్నందుకు, ఆడియన్స్ కి ఏదైనా తన వైపు నుండి ఇవ్వాలి అన్న భావనతో ఈ క్రిస్మస్ సందర్భంగా తన ఫేస్బుక్ ఫోలోవర్స్ నుండి లక్కీ డ్రా ద్వారా ఒక 50 మందిని ఎంపిక చేసి వారికి స్వయంగా తాను రాసిన గ్రీటింగ్ కార్డు తో కలిపి ఒక స్పెషల్ గిఫ్ట్ బాక్స్ పంపిస్తున్నాడు.
తన కలలో కూడా ఊహించని ఈ ప్రేమకి తాను ఏవిధంగా కృతజ్ఞత చూపించాలో తెలియక, ఇలా తనకి తోచిన ఒక మార్గంలో ఇలా చేస్తున్నాను అని తెలిపాడు. ఇప్పటికే ఈ స్పెషల్ 50 గిఫ్ట్ బాక్సులని ఎంపిక చేసిన వారికి పంపించేశారు.
ఈ ‘స్పెషల్ 50’తో విజయ్ మరోసారి తాను అందరికన్నా డిఫరెంట్ అని నిరూపించుకున్నాడు.
