దివంగ‌త నేత రాజ‌శేఖ‌ర్ రెడ్డి జీవిత క‌థ ఆధారంగా ఓ సినిమా రాబోతోంద‌ని గ‌త కొన్ని రోజులుగా టాలీవుడ్‌లో ఓ వార్త హ‌ల్ చ‌ల్ చేస్తోంది. ఈ సినిమాపై ఇప్ప‌టి వ‌ర‌కూ ఎవ‌రూ నోరు మెద‌ప‌లేదు. కానీ తెర వెనుక ప‌నుల‌న్నీ ముమ్మ‌రంగా సాగుతున్నాయ‌ని తెలుస్తోంది. వైఎస్ఆర్ పాత్ర కోసం ముందుగా నాగార్జుని సంప్ర‌దించారు. త‌ను నో చెప్పిన‌ట్టు స‌మాచారం. ఇప్పుడు ఆ పాత్ర ముమ్ముట్టి ద‌గ్గ‌ర‌కు చేరింది. ఇలాంటి నిజ జీవిత పాత్ర‌ల్ని పోషించ‌డానికి మ‌క్కువ చూపే మ‌మ్ముట్టి... ఈ పాత్ర చేయ‌డానికి ఓకే అన్న‌ట్టు స‌మాచారం.

అన్న‌ట్టు ఈ చిత్రానికి 'యాత్ర‌' అనే టైటిల్ ప‌రిశీలిస్తున్నార‌ట‌. వైఎస్ఆర్ అన‌గానే 'పాద యాత్ర‌' గుర్తొస్తుంది. త‌న‌యుడు జ‌గ‌న్ పేరు చెబితే 'ఓదార్పు యాత్ర‌' మ‌దిలో మెదులుతుంది. అందుకే ఈసినిమాకి 'యాత్ర' అనే టైటిల్ పెట్టిన‌ట్టు స‌మాచారం. మ‌రో విష‌యం ఏమిటంటే 'ఆనందో బ్ర‌హ్మ‌'తో హిట్ కొట్టిన మ‌హి రాఘ‌వ ఈ చిత్రానికి ద‌ర్శ‌క‌త్వం వ‌హిస్తార‌ట. పూర్తి వివ‌రాలు త్వ‌ర‌లో తెలుస్తాయి.