బాహు బలి, RRR లాంటి సినిమాలతో తెలుగు సినిమాను ప్రపంచ స్థాయికి తీసుకెళ్లిన రాజమౌళి నెక్స్ట్ ఎలాంటి ప్రాజెక్ట్ తో వస్తారా అని వరల్డ్ వైడ్ గా ఎదురుచూస్తున్నారు. అలాంటి టైంలో మహేశ్ బాబుతో మూవీ అనౌన్స్ చేయటంతో ఈ క్రేజీ కాంబినేషన్‌పై అందరిలో ఆసక్తి నెలకొంది. మహేశ్ ‘గుంటూరు కారం’ షూటింగ్, ప్రమోషన్స్ లో బిజీగా ఉండడంతో రాజమౌళి కూడా కథను పూర్తిస్థాయిలో సిద్ధం చేసే పనిలో బిజీగా ఉన్నాడు. ఈ ప్రాజెక్ట్ ఇంకా పట్టాలెక్కకముందే రక రకాల రూమర్స్ వినిపిస్తున్నాయి. ఇప్పుడు లేటెస్ట్ గా వచ్చిన ఒక అప్డేట్ ఫ్యాన్స్‌ ని సంబరాల్లో ముంచింది.
ఈ మూవీ ప్రకటించిన దగ్గర నుంచి అనేక వార్తలు చక్కర్లు కొడుతున్నాయి. లేటెస్ట్ అప్డేట్ ప్రకారం ఈ మూవీకి 1000 కోట్ల బడ్జెట్ అని వార్తలు వినిపిస్తున్నాయి. ఈ రేంజ్ బడ్జెట్ తో వస్తున్న తెలుగు మూవీ ఇదే కావటం గమనార్హం. ఎప్పటిలానే షూటింగ్ ప్రారంభించే ముందు ఒక ప్రెస్ మీట్ పెట్టి మూవీకి సంబంధించిన విశేషాలను అందరితో పంచుకోనున్నాడట రాజమౌళి.
ఈ మూవీ రైటర్‌ విజయేంద్ర ప్రసాద్ కూడా ఓ సందర్భం లో మాటాడుతూ మహేశ్‌తో తెరకెక్కించనున్న సినిమాతో ఇప్పటివరకు ఇండియన్ సినిమా ప్రేక్షకులు చూడని ఒక కొత్త ప్రపంచాన్ని రాజమౌళి ఆవిష్కరిస్తాడని, ఈ కథ అమెజాన్ అడవుల బ్యాక్‌డ్రాప్‌లో సాగుతుందని తెలిపారు. అన్నిటికంటే ఇంట్రస్టింగ్ విషయం ఈ మూవీ కూడా రెండు భాగాలుగా రానుందని , సీక్వెల్‌కు అవకాశం ఉండేలా సినిమా ముగుస్తుందని రివీల్ చేశారు విజయేంద్ర ప్రసాద్. ఈ న్యూస్ విన్న సినీ ప్రియులు ఆనందంలో మునిగి తేలుతున్నారు.
